Trova : diforc'h etre ar stummoù

Hervez [[Fernando Pessoa]] "a trova é o vaso de flores que o povo põe à janela de sua alma." (an trova eo ar podad bleunioù lakaet gant ar bobl war varlenn prenestr e ene)

An '''''Trova''''' zo unan eus gwrizioù sonerezh [[Kuba]]. En {{XIXvet kantved}} e oa sonerien anvet ''trovadores'' a sone war-dro [[Proviñs Oriente]], ha dreist-holl war-dro [[Santiago de Cuba]], o seniñ [[gitar]] hag o kanañ.<ref>Canizares, Dulcila 1995. ''La trova tradicional''. 2nd ed, La Habana.</ref> Lavaret e vez e rank un trovador en Kuba, bezañ un den a) hag a gan sonioù savet gantañ ; b) seniñ gitar war un dro; c) kanañ en un doare barzhonius. Kement-se a glot madik gant kanerien [[bolero]] met nebeutoc'h gant ar re a gan en un doare afrikanoc'h ([[El Guayabero]]) hag ar re a gan en ur son piano.