Emgann Aljubarrota : diforc'h etre ar stummoù

'''Emgann Aljubarrota''' a c'hoarvezas d'ar [[14 a viz Eost]] [[1385]] en [[Estremadura]] entre armeoù [[Roue Portugal]], sikouret gant bagadoù [[Bro-Saoz|saoz]] ha renet gant [[João Iañ Portugal]], hag e [[Konestabl|gonestabl]] [[Nuno Álvares Pereira]], hag arme [[Juan Iañ Kastilha]], [[roue Kastilha]], hag e harperien. Unan eus emgannoù roueel ar [[Krennamzer|Grennamzer]] e voe dre ma oa an daou roue enebour e penn pep arme.

Divab e varvas roue Portugal, [[Fernando Iañ Portugal|Fernando Iañ]], e [[1383]]. E verc'h [[Beatriz Portugal (1372-1410) |Beatris]] ([[1372]]-[[1410]]) a oa dimezet d'ar roue Juan Iañ Kastilha, ha setu hennezh da c'houlenn ar gurunenn. Dre ma c'halle Portugal koll he dizalc'hted, setu bourc'hizien ar vro hag un darn eus an noblañsed, harpet gant kêr [[Lisboa]], da ginnig ar gurunenn da vestr Urzh Aviz, [[João Iañ Portugal|João de Aviz]], mab bastard d'ar roue [[Pedro Iañ Portugal]]. Da gentañ e voe anvet Joaõ da rejant Portugal, ha d'ar [[6 a viz Ebrel]] [[1385]] e voe anvet da roue gant ''Cortes'' ([[parlamant]]) [[Coimbra]]. Ha roue Kastilha, pa glevas ar c'heloù, da fuloriñ ha da gas e arme da aloubiñ Portugal.