|
'''Strollad An Deskadurezh Eil Derez''' (S.A.D.E.D. pe SADED) a oa ur gevarzhe krouet e [[1962]] hag a ginnige gerioùkentelioù nevezdre evit ar brezhoneg a-benn lakaat an deskadurezh da binvidikaat he geriaoueg e kement danvez a velizher. Strollad An Deskadurezh Eil Derez a oa e vennad lakaat en e sav ur c’helennerezh a live gant ar c’hlasoù dibenn studi hag ar bloavezhioù kentañ er skol veur.
==Istor==
Gant S.A.D.E.D. eo bet diazezet an doare da intent ha kompren ar gramadeg dre an orioù, eleze dibenn ar verboù displeget e-lec'h ar yezhadur klasel a-orin gall : "Bonragor, Bongevor, Bonator" e lec'h "Amzer-dremenet strizh, amzer a-vremañ, amzer da zont". Kentelioù yezhadur ha gramadeg S.A.D.E.D. a gaver el levr ''Gramadeg ar verb'' embannet gant [[Preder]]<ref>[http://www.preder.net/index.php?option=com_content&view=article&id=1315:gramadeg-ar-verb&catid=34:levriou&Itemid=55&lang=en Pajenn-ginnig Gramadeg ar verb gant Preder]</ref>
Ar gerioù kinniget gant S.A.D.E.D. a oa a-orin keltiek ha splet a denne ar re o c'hinnige eus enklaskoù hag imbourc'hoù graet war ar c'hembraeg, an henvrezhoneg, ar c'hrennvrezhoneg, ar c'herneveureg hag ar yezhoù gouezelek nevez pe gozh. Kement-se a venne ober pennoù bras S.A.D.E.D. evit chom hep arverañ gwriziennoù latin ha gresianek ar galleg.
==Levrioù ha kentelioù gant S.A.D.E.D.==
*''Douaroniezh 2'', 1973.
Echu e oa gant Strollad An Deskadurezh Eil Derez e-korf ar bloavezhioù dek-ha-tri-ugent hogen chomet eo feal outañ a spered ti-embann [[Preder]] dre ma talc'h da grouiñ gerioù nevez diwar gwriziennoù keltiek ha dre ma embann levrioù uhel o danvez. Krog eo Preder da embann kentelioù S.A.D.E.D. en o fezh : graet eo evit a sell ar c'hentelioù a grennvrezhoneg hag a yezhadur. ▼▲Echu e oa gant Strollad An Deskadurezh Eil Derez e-korf ar bloavezhioù dek-ha-tri-ugent hogen chomet eo feal outañ a spered ti-embann [[Preder]] dre ma talc'h da grouiñ gerioù nevez diwar gwriziennoù keltiek ha dre ma embann levrioù uhel o danvez. Krog eo Preder da embann kentelioù S.A.D.E.D. en o fezh : graet eo evit a sell ar c'hentelioù a grennvrezhoneg hag a yezhadur.
▲==Hêrezh S.A.D.E.D.KIS==
Un toullad tud a denn korvo eus labourioù S.A.D.E.D.KIS : an ti-embann [[An Here]], an ti-embann [[Aber]] (renet gant [[Pierrette Kermoal]]), ar gelaouenn [[Nidiad]] (gant [[Malo Adeux]]), ar geriadurour [[René Le Gléau]] (geriadur embannet gant [[Al Liamm]]), ar geriadurour [[Francis Favereau]] (geriadur embannet gant [[Skol Vreizh]]), ar geriadurour [[Martial Ménard]], ar prederour [[Fañch Kerrain]] (embannet e skridoù gant tiez-embann eus [[Kuzul ar Brezhoneg]]), ar skrivagner [[Koulizh Kedez]], ar skrivagner [[Padrig an Habask]] (rener an ti-embann [[Al Lanv]]), an arzour [[Yann-Ber Tillenon]], troerion evel [[André Markowicz]] (a zo a-enep ar brezhoneg peurunvan), [[Alan Monfort]] (bandennoù treset embannet gant [[Yoran Embanner]]), [[Yann-Varc'h Thorel]], [[Ronan an Deroff]], [[Jean-Michel Mahe]] (embannet un droidigezh anezhañ gant [[An Alarc'h Embannadurioù]]).
==E Diwan==
Gant [[Kreizenn ar Geriaouiñ]], e [[Diwan]], ez eus klasket ober gant ur c'heriaoueg etrebroadeloc'h hep ober gant gwriziennoù keltiek na kinnigoù S.A.D.E.D.KIS, lezet a-gostez, war-bouez un nebeud anezho. Daoust da se e ra lod eus gopridi [[Diwan]] gant kement ger bet krouet gant S.A.D.E.DKIS. Gerioù S.A.D.E.D.KIS eo a gaver e geriadur Martial Ménard, arveret er skolioù Diwan, ha n'eo ket kinnigoù Kreizenn ar Geriaouiñ, na gaver e geriadur ebet koulz lavarout. Da skouer, e Diwan e vez lavaret ''urzhiataer'', ur ger krouet gant S.A.D.E.D.KIS, ha n'eo ket ''kompoder'', kinniget gant Kreizenn ar geriaouiñ.
==Notennoù==
| 