Enklozadur : diforc'h etre ar stummoù

* E [[Belgia]] ez eo [[Rannvro Kêr-benn Brusel]] un enklozadur eus [[Flandrez]]. Souezhus eo gwelet ez eo ivez kêr-benn Flandrez. [[Flandrez]] he deus un ezklozadur, kumun [[Voeren]], tra ma'z eus ivez un ezklozadur gant [[Wallonia]] : kumun [[Comines-Warneton]]. Tiriad [[kumuniezh alamanegerien Belgia]] a ya div lodenn zistag d'e ober. Rannet eo gant ur gumuniezh c’hallegerien.

* E [[Bosnia ha Herzegovina]] ez eo daou enklozadur [[Orašje]] ha [[Odžak]] lodek eus ar C’hevread. Enklozet int etre [[Republika Srpska]] ha Kroatia ha distag diouzh ar C’hevread dre bandennoù tanav anvet ''Posavski koridor'' zo d'ar [[Republika Srpska]]. E-doug ar brezel e [[Bosnia]] e oa ivez meur a enklozadur kontrollet gant Bosnia ha Herzegovina a oa gronnet gant an arme serb. [[Sarajevo]] a oa ar brudetañ anezho. E-mesk an enklozadurioù all dindan seziz e oa [[Goražde]], [[Srebrenica]], [[Maglaj]], [[Bihać]] hag [[Orašje]] (a oa stok ouzh tiriad Kroatia).

* E [[Sina]], kontelezh [[Xianghe]], kêr [[Sanhe]] ha [[kontelezh]] [[Dachang]] Hui eus [[proviñs]] emren [[Hebei]] a ya d'ober un ezklozadur lojet etre kumunioù [[Beijing]] ha [[Tianjin]].

* E [[Kolombia]], [[Santafé de Bogotá|Bogotá]], kêr-benn ar vro, zo un enklozadur e [[departamant]] [[Cundinamarca]] ha bez' eo ivez [[kêr-benn]] an departamant.