|
Kanet eo bet gant meur a ganer hengounel.
Testenn ar gwerz a c'heller kavout war wikiarroud, [http://wikisource.org/wiki/Gwerz_K%C3%AAr_Is amañ].
==Testenn==
Petra 'zo nevez e kêr Is<br>
Ma'z eo ken foll ar yaouankiz,<br>
Mar klevan-me ar binioù,<br>
Ar vombard hag an telennoù.<br>
<br>
E kêr Is n'eus netra nevez,<br>
Met an ebatoù 'vez bemdeiz,<br>
E kêr Is n'eus nemet traoù kozh,<br>
Hag an ebatoù 'vez beb noz.<br>
<br>
Bodennoù drez 'zo diwanet,<br>
E dor an ilizoù serret,<br>
Ha war ar baourien o ouelañ,<br>
E kaser ar chas d'o drailhañ.<br>
<br>
D'o c'hwezek vloaz an holl verc'hed<br>
N'o deus Doue 'met ar pec'hed<br>
Ha da ober e gurunenn<br>
E roont o c'haerañ rozenn<br>
<br>
Ahez, merc'h ar Roue Gralon,<br>
Tan an ifern en he c'halon,<br>
Er penn kentañ deus an diroll,<br>
A gas ar gêr d'he heul da goll.<br>
<br>
Sant Gwenole gant kalonad,<br>
'Zo bet meur a wech 'kaout he zad,<br>
Ha gant druez an den-Doue,<br>
En deus lavaret d'ar Roue :<br>
<br>
"Gralon, Gralon, lakaet evez,<br>
D'an dizurzhioù a ren Ahez,<br>
Rak tremenet 'vo an amzer,<br>
Pa skwilho doue e gonner".<br>
<br>
E-lec'h ma oa c'hoarzhadeg kent<br>
E vo neuze skrignadeg dent<br>
El lec'h ma oa kanaouennoù<br>
E vo klevet skrijadennoù!<br>
<br>
Hag ar Roue fur spouronet,<br>
D'e verc'h en deus bet kelennet ;<br>
Met diskaret gant ar gozhni,<br>
N'deus mui a nerzh da stourm outi.<br>
<br>
Ha skuizh gant rebechoù he zad,<br>
Evit mont deus e zaoulagad<br>
He deus graet gant drouksperejoù,<br>
Ur palez kaer tost d'ar sklujoù.<br>
<br>
Eno, gant hec'h amouroujen,<br>
Emañ fenoz an abadenn,<br>
Eno, en aour hag en perlez,<br>
Evel an heol e par Ahez.<br>
(C'hwec'h gwech hiroc'h eo ar gwerz)
| 