Constantius II : diforc'h etre ar stummoù

Endalc’h diverket Danvez ouzhpennet
Pajenn nevez : 200px '''Flavius Iulius Constantius''', anavezetoc'h evel '''Constantius II''', (7 a viz Eost 317 - 5 a viz Here 361) a voe Impalaer Roman (337 - 361) ...
(Disheñvelder ebet)

Stumm eus an 16 Gen 2008 da 08:42

Restr:ConstantiusII.JPG

Flavius Iulius Constantius, anavezetoc'h evel Constantius II, (7 a viz Eost 317 - 5 a viz Here 361) a voe Impalaer Roman (337 - 361) eus Tiegezh ar Gonstantined.

Arabat meskañ e anv gant Constans , a voe impalaer gantañ.

E vuhez

Eil mab Constantinus I ha Fausta e oa . Ganet e oa e Sirmium (en Illyricum), hag anvet e voe da Gaesar gant e dad. Teir gwech e voe dimezet: d'ur verc'h da Julius Constantius da gentañ, da Eusebia da eil, da Faustina da drede. Ur verc'h o doe, Constantia, a zimezas gant an Impalaer Gratianus. Pa varvas e dad Constantinus e 337, e voe lazhadeg, kaset en-dro gant Constantius. Graet e voe o stal d'ar gerent deuet eus eil dimeziñ e dad-kozh Constantius Chlorus gant Theodora, ha ne chomas ken nemet e vreur henañ Constantinus II, hag e vreur all Constans, ha daou genderv (Gallus hag e hantervreur Juluan) evel paotred. En em glevout a reas an tri breur da rannaén an Impalaeriezh etrezo, hervez youl o zad. Da g-Constantinus II Britannia, Galia hag Hispania; da g-Constans Italia, Africa, hag Illyricum; ha da g-Constantius ar Reter .