Talbenn an IJzer : diforc'h etre ar stummoù

* Adalek an [[21 Here|21 a viz Here]] betek an [[29 Here|29 a viz Here]] 1914 eo klasket beuziñ an douaroù etre [[Nieuwpoort (Flandrez)|Nieuwpoort]] ha [[Diksmuide]] diwar urzh ar pennlu [[Belgia|belgiat]], gant skoazell ar merdead [[Hendrik Geeraert]] ha Karel Cogge. D'an [[21 Here|21 a viz Here]] eo beuzet Ouf Nieuwendamme (nn 4 ouzh ar gartenn) . N'eo ket trawalc'h: Geeraert a zeu a-benn da gendrec'hiñ ar pennlu da lakaat da zigeriñ dor bras an Noordvaart (''Kanol an Norzh'') er ''Ganzepoot'' ha divizet eo d'an [[26 Here|26 a viz Here]] beuziñ ar vro etre [[Nieuwpoort (Flandrez)|Nieuwpoort]] ha [[Diksmuide]]. N'eo ket efedus an taol kentañ. Kregiñ a ra an dourbeuz da vat d'an [[29 Here|29 a viz Here]] da 7 eur 30 noz en ur zerc'hel digor bras dorioù an Noordvaart e-pad c'hwec'h euriad a-raok serriñ anezhe en-dro. [[Hendrik Geeraert]] hag ur strolladig milourion ar brezelijinouriezh [[Belgia|belgiat]] a labour memes mod meur a wezh. Al lu [[Alamagn|alaman]] ne c'hell ket mont pelloc'h ha kilañ a ra en ur lezel dafar-brezel hag ur bern korfoù-marv soudarded war e-lerc'h.