Peurunvan : diforc'h etre ar stummoù

 

Ijinet eo bet gant [[Roparz Hemon]] er bloaz 1941, diwar urzh ar Sonderführer ha leñguist alamant Leo Weisgerber.

Pal ar peurunvan a oa unvaniñ an doare skrivañ KLT kozh bet savet gant [[François Vallée]] ha [[Meven Mordiern]] dre zalc'hen kont eus ar parlantoù-kornad.

Soñjal a ra da dud gouiziek ha barrek war ar langaj anezhe, ne dalc'h ket ar peurunvan trawalc’h kont deus an etimologiezh hag an doare-distagañ, ha diazezet don eo e-barzh brezhoneg Leon (met pas tre ive, peogwir pa vez lennet un destenn skrivet er skritur peurunvan ‘vel m’ema skrivet, ar pezh a vez klevet n’eo na leoneg, na tregereg, na kerneveg, na gwenedeg). Daoust da gement-se eo hemañ ar skritur a vez graet ar muiañ ganti bremañ, peogwir eo skritur ar vilitanted vreton (tud an ‘’Emsav’’), hag a zo e penn tout ar pezh a sell deus ar brezhoneg hiriv : ar skolioù Diwan, ar skolioù daou-langaj, Skol-veur Roazon, ar c’hentelioù-noz (peurvuiañ), al lodenn vrasañ deus ar pezh a vez skrivet ha moullet e brezhoneg hiriv ive.