Kaledvoulc'h : diforc'h etre ar stummoù

Met n'eo ket '''Kaledvoulc'h''' an anv anavezetañ, rak en holl yezhoù all e vez graet gant an anv gallek, deuet diwar al latin, '''Excalibur''', ken ne oar ket an darn vrasañ eus ar Vretoned eo un anv brezhonek e oa da gentañ, hag a zo bet troet goude, e latin da gentaén, ha diwar-se e galleg.

 

==Gerdarzh==

===Kaledvoulc'h===

 

Alies e vez lavaret e tenn Kaledvoulc'h d'an anv ''[[Caladbolg]]'', hini ur c'hleze douget gant meur a zen eus mojennoù [[gouezelek]] [[Iwerzhon]]. Koulskoude ne gav ket da [[Rachel Bromwich]] na D. Simon Evans e vije gwirheñvel e vije bet amprestet an anv ''Caledfwlch'' eus an anv gouezelek ''Caladbolg''. Kavout a ra dezho int daou anv "savet pell zo da envel ur c'hleze"; hag ar c'hleze-se a deuas da vout perc'henniezh Arzhur er mojennoù predenek.<ref>R. Bromwich and D. Simon Evans, ''Culhwch and Olwen. An Edition and Study of the Oldest Arthurian Tale'' (Cardiff: University of Wales Press, 1992), p.65; gwelout ivez T. Green, ''Concepts of Arthur'' (Stroud: Tempus, 2007), p.156</ref>

 

=== Excalibur===

Kembraeg a ouie [[Jafrez Menoe]], ha gantañ e voe latinekaet anv Kaledvoulc'h a zeuas da vout ''Caliburnus'', en e levr ''[[Historia Regum Britanniae]]''. ''Caliburnus'' pe ''Caliburn'' a droas neuze da ''Excalibur'', ''Escalibor'', pa voe kontet an istor e galleg.

 

Kavout a ra d'ar geltiegourien peurvuiañ e teu ''Caliburnus'' Jafrez Menoe eus ur stumm hengembraek kavet gantañ en un dornskrid kollet abaoe. E-barzh hennezh e oa chomet ar ger ''bwlch'' digemm, ha ne oa ket troet da ''fwlch'' c'hoazh.<ref>P. K. Ford, "On the Significance of some Arthurian Names in Welsh" in ''Bulletin of the Board of Celtic Studies'' 30 (1983), pp.268-73 at p.271; R. Bromwich ha D. Simon Evans, ''Culhwch and Olwen. An Edition and Study of the Oldest Arthurian Tale'' (Cardiff: University of Wales Press, 1992), p.64; James MacKillop, ''Dictionary of Celtic Mythology'' (Oxford: Oxford University Press, 1998), pp.64-65, 174.</ref>

 

==Er skridoù kozh==

Da gentañ-penn e kaver anv Kaledvoulc'h e skridoù kembraek, evel ar varzhoneg ''[[Preiddeu Annwfn]]'' hag an danevell ''[[Culhwch ac Olwen]]'',