Vivienne Westwood : diforc'h etre ar stummoù

Ur wech echu gant he studioù e reas meur a vicher. En un toull-noz e kejas gant Dereck Westwood. Dimeziñ a rejont e [[1962]], ur mab a voe ganet, ha dispartiañ a rejont e [[1966]]. E [[1967]] e kejas gant [[Malcolm McLaren]]. Asambles gant Patrick Casey e kroujont un stal dilhad anvet ''Paradise Garage'' (403 King's Road, [[Londrez]]) e [[1971]]. Meur an anv a voe roet d'ar stal (''Seditionaries, Let It Rock''...), betek ma teufe da vezañ brudet dindan an anv ''Sex'', bet dibabet abaoe [[1974]]. Hiziv an deiz ez eo anvet ''World's End''. A-drugarez d'ar stal e c'hellas Vivienne Westwood pleustriñ war ar c'hrouiñ dilhad. [[Jamie Reid]] a reas kemend-all. Brudetoc'h c'hoazh e teaus da vezañ pa zeuas ar bunked da brenañ dilhad en he stal, tra ma oa [[Malcolm McLaren]] ''manager'' ar strollad punk [[Sex Pistols]]. Kemm a zegasjont da vat e bed ar c'hiz : implijout a rejont a bep seurt traoù evel chadennoù marc'hoù-houarn, troioù-gouzoug evit chas..., en ur veskañ anezho gant elfennoù ha danvezioù hengounel evel an tartan, ha levezon o deus c'hoazh hiziv an deiz. War veur a stal eo perc'hennez Vivienne Westwood hiziv an deiz : teir anezho e [[Londrez]], div e [[Manchester]], unan e [[Liverpool]], unan all e [[Leeds]] hag unan all c'hoazh e [[Newcastle]]. E [[2008]] ez eus bet digoret div stal ouzhpenn, e [[Nottingham]] hag e [[New York]].

Hiziv an deiz ez eo perc'henn war dri merk disheñvel : ''Anglomania'', ''Vivienne Westwood Red Label'' ha ''Vivienne Westwood Gold Label''. Brudet eo ivez Westwood evit bezañ oberiant war dachenn ar politikerezh. Stourm a ra a-enep d'an armoù nukleel<ref>[http://www.vogue.co.uk/vogue_daily/story/story.asp?stid=51620&date=&sid= Vivienne Westwood rallies at CND's Easter Monday demonstration in Berkshire (Vogue.com UK)<!-- Bot generated title -->]</ref>, hag ezel eo eus ''Liberty''<ref>[http://news.bbc.co.uk/1/hi/uk/4287446.stm http://news.bbc.co.uk/1/hi/uk/4287446.stm]</ref>, ur gevredigezh a stourm evit gwareziñ gwirioù ha frankizoù an dud. Evit ar gevredigezh-se e krouas un [[t-shirt]] skrivet warnañ : ''I am not a terrorist, please don't arrest me'' e miz Gwengolo [[2005]]. E [[2006]] eo bet degemeret en [[Order of the British Empire|DBE]] ha teir gwech he deus gounezet priz ar gwellañ krouer dilhad breizhveuriat.

E [[2004]] hag e [[2005]] e voe gouestlet un diskouezadeg dezhi e [[Victoria and Albert Museum]] ([[Londrez]]), ha goude-se e National Gallery [[Aostralia]]. En holl e voe diskouezet 145 pezh-dilhad disheñvel, eus h dilhad punk kentañ d'ar re nevez krouet ganti, ha levezonet ar c'hrouiñ anezho gant dilhad an XVIII^vet kantved.

Meur a wech ez eus savet reuz rak embann a ra Vivienne Westwood pourmen hep bezañ gwisket he bragoù bihan. Lavaret he deus e oa heptañ pa oa bet degemeret e [[Order of the British Empire|DBE]] (''Dame Commander of the British Empire''), hag heptañ ivez pa oa bet lakaet da ''lady'' gant Priñs Charlez e [[2006]].<ref>{{cite web|url=http://www.dailymail.co.uk/pages/live/articles/news/news.html?in_article_id=389954&in_page_id=1770|title=Vivienne Westwood collects royal honour wearing no knickers - again}}</ref>

* [http://www.viviennejewellery.co.uk/ Vivienne Westwood] Lec'hienn ofisiel

* [http://www.viviennejewellerysale.co.uk/ Vivienne Westwood] online shop

* [http://www.fashion-forum.org/fashion-designers/vivienne-westwood.html He buhez]

* [http://www.westminsterfashion.com/alumni-viviennewestwood.html Westminsterfashion - He buhez ]

* [http://www.thelondonpaper.com/galleries/vivienne Paris Fashion Show 2007: Vivienne Westwood catwalk]

* [http://www.SEDITIONARIES.com/ Seditionaries] Lec'hienn diwar-benn an dilhad krouet ganti evit Sex ha Seditionaries etre 1975 ha 1979

* [http://www.vam.ac.uk/vastatic/microsites/1231_vivienne_westwood/Vivienne Westwood war lec'hienn Victoria and Albert Museum]