Odo Akitania : diforc'h etre ar stummoù

[[ImageSkeudenn:Frankish Empire 481 to 814-fr.svg|thumb|Akitania en impalaeriezh frank]]

''' Odo Akitania ''', pe '''Odo Veur''' (anvet ivez ''Eudes'', pe ''Eudo'', pe ''Otto''), ganet war-dro 650 pe 660, ha marvet war-dro 735, a oa ur priñs [[frank]], dug [[Akitania]], hag a voe trec'h war ar Vuzulmaned e [[Toloza]] e 721 .

Dug Akitania e oa, eus al [[Liger]] betek ar [[Pireneoù]], ha [[Toloza]] e oa e gêrbenn. Digant rouaned [[Neustria]] hag [[Aostrazia]] e tiframmas ar broioù anvet goude [[Nivernais]], [[Vivarais]], hag ul lodenn eus [[Provañs]], en-dro da [[Arle]].

Emglev a reas gant [[Chilperig II (roue ar Franked)|Chilperig II]], roue Neustria, ha [[Ragenfrid]], [[maer ar palez]], a-enep [[Karl Martel]], maer palez Aostrazia. Nemet faezhet e voent e-tal [[Soissons]] d'ar [[14 a viz Here]] [[718]].

E 731 e voe tamallet dezhañ gant Karl bezañ torret an emglev graet ganto e 720: ha Karl da dreuziñ al [[Liger]] ha da breizhata kêr [[Bourges]].

Dimeziñ a reas e verc'h da ''Uthman ibn Naissa'' anavezet ivez evel [[Munuza]], gouarnour [[Cerdanya]].

E 732 en em savas Munuza a-enep [[wali]] Spagn [[Abd al-Rahman ibn Abd Allah al-Rhafiqi|Abd-er-Rahman]], ha lazhet e voe gant armeoù Gehdi ben Zeyan.

Neuze e voe kaset div arme gant Spagn da aloubiñ douaroù ar [[Franked]]. An eil a eas a-hed traonienn ar [[Ron]] betek [[Sens]]. Eben, a oa renet gant Abd-er-Rahman, a dreuzas ar Pireneoù, a lakaas freuz ha reuz en Akitania, a gemeras [[Bourdel]], hag a drec'has war Odo en [[Emgann Bourdel]], war lez ar [[Garona]] pe an [[Dordogna]].

Dilezel ar galloud a reas Odo e 736. E vab [[Hunald]] a renas war e lerc'h.

== Lennadurezh ==

* Blade, ''Eudes, duc d’Aquitaine'', Paris, 1892

* [[Charles Oman|Oman, Charles]]. ''The Dark Ages, 476–918476–918''. London: Rivingtons, 1914.

[[eu:EudonOto I.a Handia]]