Karl Voal : diforc'h etre ar stummoù

[[Impalaer ar C'hornôg]] e [[875]] ha [[roll an unpennoù gall|roue Bro-C'hall]] (''Francia occidentalis'') e oa '''Karl II''' , pe '''Karl Voal''', ganet e [[823]] e [[Frankfurt am Main]] ha marvet e [[877]] en [[Avrieux]]. Mab e oa d'an impalaer [[Loeiz an Deol]] ha da [[Judit Bavaria]], trede [[pried]] Loeiz. Met tri [[breur]] henañ en doa, bugale [[Irmingard Hespengau]], hag ar re-se ne oant evit gouzañv e vije rannet an impalaeriezh e peder lodenn. A-benn ar fin, goude emgannañ enep dezho a-hed ar bloavezhioù e c'hounezas Karl an uhelgarg e diwezh e vuhez. E Breizh e voe trec'het gant ar Vrezhoned renet gant [[Nevenoe]] e [[845]] ha gant [[Erispoe]] e [[Jengland]].

== Buhez ==

Pa oa bihan e klaskas e vreudeur lakaat o c'hrabanoù warnañ ha war e vamm, Judit. Da gentañ e voent kounnaret o welout e oa bet roet an titl a roue [[Alamagn]] (''Alemenia'' e [[latin]]) dezhañ pa ne oa nemet 4 bloaz. Goude-se pa voe roet hini roue [[Akwitania]] dezhañ e [[838]] pa oa 15 vloaz. Goude marv o zad e voe gwashoc'h an tabut etre ar vreudeur. Met pa glaske [[Lotar Iañ]], ar breur henañ, skarzhañ ar re all eus an uhelgarg e savas Karl un emglev gant Loeiz a Alamagn hag e oe trec'h an daou asamblez e Fontenoy-en-Puisaye ([[841]]). Diwar [[feur-emglev Verdun]] sinet e [[843]] e asantas an tri breur e vije rannet an impalaeriezh e teir rouantelezh :

* gant Lotar Iañ e yeas [[Frankia kreiz]] (Francia mediana), eus aodoù [[Mor an Hanternoz]] betek kreisteiz [[Italia]] ;

Ouzh e [[rouantelezh]] e stagas [[Provañs]] ha (dre aloubiñ pe dre hêrezh), met reiñ a rankas ul lodenn eus [[Lotaringia]] da Loeiz dre feur-emglev Mersen.

Etre [[856]] ha [[861]] e c'houzañvas e [[rouantelezh]] meur a aloubadenn diwar an [[Normanned]] ken e kavas gwelloc'h kas anezho da vont pelloc'h dre profoù arc'hant eget bountañ anezho kuit. Diwar an abeg-mann e zigargas Charlez bodadeg e [[gwazhour|wazhourien]] eus e uhelgarg e 856, met e adkemeras ar garg gant harp an [[eskob|eskibien]].

E [[875]] e oe kurunennet Charlez II evel impalaer gant ar Pab [[Yann II (pab)|Yann III]] war-lerc'h [[Loeiz II a Italia]], mab henañ da Loter. Pa varvas e hantervreur, Loeiz a Alamagn, e [[876]], e aloubas Karl lodenn gornôg [[Bro-Loter]], met trec'h e oe warnañ gant al lu bras kaset gant e nized ([[emgann Andernac'h]] e-kichen [[Koblenz]], [[876]]).

E [[877]] ec'h embannas e Quierzy ma vije legadet ar [[kontelezh|c'hontelezhioù]] dre [[hêrezh]] ha dre-se e krogas amzer ar [[gladdalc'helezh|c'hladdalc'helezh]]. Goude-se e yeas da Italia da zifenn ar Pab Yann II taget gant an Arabed, met kevout a reas e klaske [[Karloman]], mab da Loeiz a Alamagn, aloubiñ Bro-C'hall. Mervel a reas pa oa o treuziñ an [[Alpoù]] e [[kêriadenn]] ''Brios'' ([[Avrieux]] hiziv). A-hervez e vije bet lazhet an impalaer gant un [[ampoezon]] roet gant e vezeg.

| width="30%" align="center" | En e raok:<br />'''[[Loeiz an Deol]]'''

| width="40%" align="center" | '''[[Roll ar rouaned c'hall|Rouaned ar Franked]] <br />[[Skeudenn:Blason France.jpg|60 px]]<br />[[843]] &ndash;– [[877]]'''

| width="30%" align="center" | War e lerc'h:<br />'''[[Loeiz II (Bro-C'hall)|Loeiz II]]'''

| width="30%" align="center" | En e raok:<br />'''[[Loeiz II (impalaer ar C'hornôg)|Loeiz II]]'''

| width="40%" align="center" | '''[[Impalaer ar C'hornôg]] <br /><br />[[875]] &ndash;– [[877]]'''

| width="30%" align="center" | War e lerc'h:<br />'''[[Karl III|Karl III an Tev]]'''