Madalen an Amour : diforc'h etre ar stummoù
Endalc’h diverket Danvez ouzhpennet
Diverradenn ebet eus ar c'hemm |
Diverradenn ebet eus ar c'hemm |
||
Linenn 7:
Goude se, dre ma teue brav ar studioù ganti e voe kaset da skol seurezed [[Krehen]] e-lec'h ma chomas ur pevar bloaz bennak betek tapout ar [[Breved]] pe "Brevet Elémentaire".. Se a oa al live studi goulennet a-benn dont da vezañ skolaerez pe kelennerez. Da c'hwezek vloaz e voe lakaet dirak ur c'hlasad skolidi eus e oad kazi e [[Pempoull]]. Ober a reas skol e [[Lambal]] ha [[Tonkedeg]] ivez.
Pa dimezas da Varsel Le Guillard e 1953 ez ejont d'an Havr-Nevez da chom. Ganet a zo dezhe ... bugel. Eno en doe Marsel ur gwallzarvoud grevus hag e rankas
Setu ar pezh a skriv [[Daniel Giraudon]] diwar-benn Madalen an Amour hag an abadenn bet graet e-kichen [[Lannuon]], e [[Ploubêr]], d'ar Meurzh 17 a viz Meurzh 2009 : "Ur bugaleaj e Ploubêr... Tamm-ha-tamm e vez graet e vragoù da Yann... Ouzhpenn 60 den a oa deuet dimeurzh diwezhañ d’an abardaez-noz da selaou Madalen an Amour o kaozeal eus he bugaleaj e Ploubêr. Cheñchamant zo bet e buhez an dud abaoe un hanter-kant vloaz bennak ! D’ar c’houlz-se, e veze bras ar familhoù met bihan an arc’hant ivez. Ne veze ket druz ar peuriñ neuze. Mont a rae an dud war o zreid ha n’eo ket war dreid ar re all. An dud ‘n em veske ha ‘n em sikoure memes tra ha plijadur a veze pa veze lazhet ar porc’hell ha graet ur friko gant an amezeien. E-pad ar vakañsoù ha d’ar Yaou e veze implijet ar vugale da vaesa ar saout ha d’ober labourioù bihan. Kavout a raent e-mesk an natur peadra da c’hoari ha d’ober c’hoarielloù.
==Ar Brezhoneg==
Plijout a ra kalz dezhi lenn ha skrivañ brezhoneg.
Desket he deus brezhoneg er gêr e Ploubêr rak d'ar c'houlz-se e komze an holl ar yezeh. He fried a oa gant ar c'hoant deskiñ pell a oa, hag un dro bennak e kavas anv [[Skol Ober]] er gelaouenn. Lakaat a reas e anv met sikour en deveze ezhomm digant e wreg. Diaes e veze dezhañ deskiñ ar c'hemmadurioù ha hi a sikoure par ma c'helle dre m'he devoa desket anezhe en-bihan dre gustum hep goût dezhi. Tamm-ha-tamm e kasas poelladennoù, pennadoù diwar-benn he mamm-gozh, d'he difazierez Skol Ober, [[Ivetig an Dred-Kervella]], ur vaouez he deus graet kalzik a draoù evit ar yezh en un doare didrouz met efedus. Strollañ a reas he fennadoùigoù Ober en ul levrig ha profañ d'he breudeur ha c'hoarezed, ha se a blijas kement dezhe ma teuas c'hoant dezhi da lakaat embann anezhe da vat. [[Al Lanv]] eo a grogas e-barzh hag a embannas "E-kostez ar Pemp Kroaz".
Desket o deus o-daou lenn ha skrivañ brezhoneg ivez e [[Kreizenn Sevenadurel Brezhonek Lannuon]].
Hec'h eñvorennoù bugaleaj a voe embannet goude se. An istorioù evned a gaver e "Evned ma liorzh" a zeuas dezhi dre forzh sellet ouzh evnedigoù he liorzh, tamm-ha-tamm he skrivas anezhe. Kaset e voent da embann d'[[An Here]], met siwazh ne voe ket amzer gant an embanner d'en ober. Goude e komzas Madalen gant [[Fañch Peru]] a brometas ober war-dro ar skridoù-se. Degemer a reas [[Skol Vreizh]] ha Paolig Kombod, ar rener, embann ha kavet e voe Ivet al Loued da skeudenniñ an istorioù.
He levrioù a zo bet soñjet holl e brezhoneg a-raok o skrivañ.
Evel ma voe skoliadez [[Skol Ober]] gant he fried e-pad meur a vloavezh ez eo deuet da vezañ ivez difazierez
Laouen eo o welout ar skolioù brezhonek o vont war-raok daoust ma kav e rankfe skolaerien 'zo marteze en em varrekaat war ar yezh.
Linenn 28:
* ''Kostez ar Pemp Kroaz'', Embannadurioù [[Al Lanv]], 1992. Eñvorennoù Madalen an Amour diwar-benn he mamm-gozh.
* ''Bugale Kerugan'', Embannadurioù al Lanv; 1998. Savet ganti ha Marcel Le Guillard (1931-2008). 222 p. Diverradenn : Eil lodenn ("Kostez ar Pemp Kroaz") eñvorennoù bugaleaj un Dregeriadez… Buhezskrid. ''Ur ger a-raok'', gant [[Ivetig an Dred-Kervella|Soaz an Tieg]].
* ''Evned ma Liorzh'', [[Skol Vreizh]], 2009. 63 fajennad. Dourlivadurioù gant Yvette Le Louët. "Setu amañ 24 istor evned, pe laboused, kontet e brezhoneg flour gant Madalen an Amour : evned hon bro, annezerien pe dremenidi, deskrivet brav, o kontañ o beajoù, oc'h en em chikanañ alies, oc'h en em garout a-wechoù; hag oc'h en em lazhañ zoken! Skrivet eo bet an testennoù saourus-mañ en ur yezh pinvidik, bev ha resis gant un Dregeriadez bet desket ar yezh war barlenn he mamm; dedennet e vo gante ar vugale da gentañ, met ivez an dud vras, an holl re a gar an evned, ar re a blij dezhe ur brezhoneg yac'h. Skeudennaouet int gant 24 a zourlivadurioù, savet espres gant Yvette Le Louët."
==Pennadoù==
* ''Strobinellerezh Krec'h-ar-Marc'h'', danevell, [[Al Liamm]], Niverenn 316, pajenn 47
* ''Tri devezh e miz Mezheven 1944'', Eñvorennoù, Al Liamm, Niverenn 370, pajenn 59.
* ''Tan ha Skorn an Noz'', Embannadurioù [[An Alarc'h]], 2009. Danevelloù. Kenlabour etre [[Riwal Huon]], Goulwena, [[R. M|Ronan Ménardeau]], Madalen an Amour...
|