Yukio Mishima : diforc'h etre ar stummoù

[[ImageSkeudenn:Yukio Mishima.jpg|right|thumb|250px|Yukio Mishima e 1956]]

== E vuhez ==

=== Bugaleaj ===

[[ImageSkeudenn:Yukio Mishima 1931.gif|left|thumb|200px|Yukio Mishima e 1931]]

Mishima a voe ganet en ur familh labourerien-douar. Desavet e voe gant e vamm-gozh anvet Natsu, distag diouzh ar peurrest eus e familh. E vamm-gozh a oueze alamaneg ha galleg, ha dedennet e oa gant ar c'hoariva kabuki. Mevelien a oa bet en e familh, ha liammet e oa ouzh ar [[samourai]]ed da vare [[Tokugawa]]. Tad-kozh Mishima a oa deuet da vezañ pinvidik a-drugarez d'ar c'henwerzh trevadennel. Hervez an dud a skrivas buhezskridoù Mishima e teue eus e vamm-gozh e zudi d'an emlazh ha d'ar greskañs. E vamm-gozeh a viras outañ a c'hoari gant paotred all hag a ober sport. D'e 12 vloaz e tistroas Mishima gant e dud, hag un darempred kreñv en doe gant e vamm. Ganti e voe broudet da skrivañ, padal e kave d'e dad e oa al lennegezh un dra evit ar merc'hed.

=== Studioù ha skridoù kentañ ===

Mishima a skrivas e istor kentañ d'e 12 vloaz. Ouzhpenn lenn lennegezh klasel japan e lennas ivez oberennoù gant [[Oscar Wilde]] ha gant [[Rainer Maria Rilke]]. Mont a reas da skol Peers, ur skol evit tud eus an dibab e oa, diwar urzh e vamm-gozh.

C'hwec'h vloaz e chomas er skol-se, mat teuas da vezañ ezel yaouankañ skipailh embann kevredigezh lennegezh ar skol. Kinniget e voe dezhañ skrivañ ur romant-kazetenn d avezañ embannet er gelaouenn lennegezh ''Bungei-Bunka'' (''Arz ha Sevenadur''). Kinnig a reas an detsenn anvet ''Hanazakari no Mori'' (''Ar c'hoad en bleuñv'') a skrivas gant al lesanv '''Yukio Mishima'''. Un nebeud skouerennoù (faziañ a rae paper abalamour d'ar brezel) a voe embannet e [[1944]].

=== Goude ar brezel ===

[[ImageSkeudenn:Ishihara Mishima.jpg|right|thumb|250px|Yukio Mishima ha [[Shintaro Ishihara]] e 1956]]

E [[1946]] e stagas gant e romant kentañ, anvet ''Tōzoku'', hag a voe embannet e [[1948]]. Goude-se e skrivas ''Kamen no Kokuhaku'' (''Kofezioù ur maslk'') ma kont istor ur paotr yaouank a rank derc'hel kuzh e bleg d'an heñvelreizhelezh. Brudet e teuas da vezañ ha diwar neuze e kasas e amzer o skrivañ romantoù evel ''Ai no Kawaki '' ([[1951]]), ''Shiosai '' ([[1954]]), ''Kinkaku-ji'' ([[1956]]) pe c'hoazh ''Utage no Ato '' ([[1960]]).

Ouzhpenn e skrivas istorioù poblek a-benn treuzvevañ, pezhioù-c'hoari [[kabuki]] evit ar strollad ''Bungaku-za'' hag ivez danevelloù hag arnodadennoù.

Brudet e teuas da vezañ en [[Europa]] hag er [[Stadoù-Unanet]]. Meur a veaj a reas, ha teir gwech e voe anv e vefe roet priz Nobel al lennegezh dezhañ, met a-benn a r fin e voe roet d'e vignon

[[Yasunari Kawabata]]. Posupl eo en dije laosket ar priz da gKawabata peowgir e touje outañ peogwir en doa sikouret anezhañ e bed lennegezh [[Tokyo]].

=== Buhez prevez ===

Goude bezañ lakaet embann ''Kamen no Kokuhaku'' e stagas Mishima gant an mebregrezh-korf. E [[1955]] e tapas kaout korf ur sportour hag e pleustras da chom evel-se betek fin e vuhez. . Barrek-tre e teuas da vezañ war a [[Kendo|c'hendo]].

Darremprediñ a reas an tavarnioù evit an dud heñvelreizh. E-pad ur pennad e soñjas dimeziñ gant [[Shoda Michiko]] hag a zeuas da vezañ gwreg an impalaer [[Akihito]]. E [[1958]] e timezas gant Yoko Sugiyama ha daou vugel a voe ganet. E [[1968]] e c'hoarias er film ''Ar Glazard du'', asambles gant e garedig treuzwisket [[Akihiro Miwa]].

=== Seppuku ===

E [[1970]] ec'h echuas ''An Ael o tismantriñ''. D'ar [[25 a viz Du]] e lakaas ar skrid en ti-post da gas d'e embanner. Goude-se ez eas da vinistrerezh an armeoù asambles gant pevar mignon. Tapout a reas jeneral an nerzhioù emzifenn hag e lakaas anezhañ da c'houestlad. Gerveml a reas an arme hag ec'h embannas ur brezegenn ma save a-du gant Japan hengounel hag an impalaer. An 800 soudard bodet a savas a-eneptañ. Da 11 eur vintin ez eas kuit. Diwar an hengoun e tivizas en em lazhañ en doare [[seppuku]]. ; un des membres de [[Tatenokai]], [[Masakatsu Morita]], hag eñ ezel eus [[Tatenokai]] a oa sañset dibennañ Mishima, met ne zeuas ket a-benn pegwir e krene re. Neuze ez eo [[Hiroyasu Koga]] hag a zibennas Mishima, ha goude-se en em lazhas Morita. Prientet e oa bet an taol gant Mishima e-pad bloaz, hag un darvoud damheñvel en doa meneget en e romant ''Kezeg achapet''. Hervez lod e vije bet an afer-se an digarez en dije kavet Mishima da gas e emlzah da benn<ref> p. 282-83, pennad 47 « A Phantasy World: Mishima Yukio » in ''Shōwa Japan: Political, Economic and Social History, 1926-1989'', Volume III, Stephen S. Large, Taylor & Francis, 1998</ref>{{,}}<ref> p. 10-11 in ''Japan: The Burden of Success'', Jean-Marie Bouissou ha Jonathan Derrick, Fondation nationale des sciences politiques (CERI), C. Hurst & Co., 2002</ref>.

== Oberennoù pennañ Mishima ==

== C'hoariva ==

== Filmoù ==

=== Liammoù diavaez ===

[[Rummad:Ganedigezhioù 1925]]