Moullerez : diforc'h etre ar stummoù

[[Skeudenn:MFPCanon.jpg|thumb|Ur voullerez liesarc'hwel Canon]]

 

 

Da reiñ lañs d'ur moulladur adalek un [[urzhiataer]] e vez arveret un [[arload]] arbennik e vez anvet [[stur moullañ]]. Pal ar stur eo amdreiñ [[boneg stlennegel|boneg]] un teul stlennegel (enboneget gand un arload evel da skouer OpenOffice.org Write) d'un areg e vo bet komprenet gant ar voullerez da vezañ keweriet ganti. An trevell d'ar [[reoler moullañ]] eo, pe d'an [[dafariad stlennegel|dafariad]] moullañ evit ul lod anezhe.

Meur a seurtad moullerezioù a zo hag a c'hell bezañ renket hervez an doare e vez graet ar voullerezh gante.

 

 

Ar c'hentañ moullerezioù (er [[bloavezhioù 1970|bloavezhioù 70]]) e veze moullet alies gante war skoroù moullañ ispisial e vez graet paper listad anezhe. Ne vez ket kavet kalz anezhe ken bremañ nemet evit implijoù arbennig evel da skouer ar merañ eus ar [[boniadoù]] en [[embregerezh]]ioù. Ar moullerezioù-se a zo alies moullerezioù ogedel pe moullerezioù dre bikennoù. Stummet e vez gante an arouezennoù adal un [[oged]] nadozioù, ar re-se da vezañ dibabet ha sanket war-bouez ur [[klofenn|glofenn]]. Naouusterioù ar moullerezioù ogedel a zo an tizh, an niver a nadozioù (hervezañ e c'hellomp anavezout spisadur moullañ an arouezennoù), niver a vannoù a arouezennoù e vez possubl moullañ.

Ha da echuiñ gant ar renabliñ-se e c'heller menegiñ ur seurtad moullerez a vez priziet abaoe mac'h eo deut war ar marc'had al [[luc'hskeudennerez|luc'hskeudennerezioù]] niverel. Moullerezioù gwrezel da voullañ war baper luc'hskeudenn a vent 10x15 eo. Moullet e vez gante nemetken evel just war skoroù ispisial.

 

 

Gant ar moullerezioù kozh e veze graet evit o c'hennaskañ ouzh un urzhiataer gant an [[eread a-steud]] ha c'hoazh gant an [[eread a-stur]] (hemañ o vezañ implijet c'hoazh en amzer a-vremañ). Hogen ar modoù-se da lugañ ur voullerez ouzh un urzhiataer a zeu da vezañ tamm ha tamm diamzeret en-abeg mac'h int re c'houstad e-keñver ar seurtadoù kennaskañ arveret bremañ (e 2006). Muioc'h mui e vez implijet ar mod USB peogwir eo kalz akomod, fonnus a-walc'h hag aes-tre da lakaat da dalvezout.

Met ar mod ar muiañ arveret, dreist-holl e-barzh an embregezioù, eo ar c'hennaskañ oc'h implijout kartennoù rouedad (marc'het muioc'h mui a orin e-barzh ar moullerezioù). Gwell fonnusoc'h eo met ivez e chom c'hoazh diesoc'h da lakaat da vont en dro ablamour d'ar c'hefluniad a ranker lakaat da dalvezout a-raok ma vefe possubl implijañ ar c'hennaskañ-se. Peurliesañ e implij ar c'hennaskadurioù-se ur [[komenad kehentiñ|c'homenad kehentiñ]] anvet TCP/IP war ar reolad [[Ethernet]].

 

[[af:Rekenaardrukker]]

[[el:Εκτυπωτής]]

[[en:Printer (computing)]]

[[es:Impresora]]

[[et:Printer]]