'''Kergustentin''', pe '''Kontanstinopolis''', a zo bet diazezet e derou ar [[IIIvet kantved]] gant an [[impalaer roman]] [[Kustentin Iañ (impalaer roman)|Kustentin]] (Constantinus) evit krouiñ un eil [[kêrbenn|gêrbenn]] d'an Impalaeriezh roman, Roma nevez dibabet da anv nevez gêr gozh ''[[Bizantion]]'', met chomet eo e eil anv en enor da Gustentin, ''Constantinopolis'' (gresianeg : ''Κωνσταντινούπολις''). Dre urzh Kustentin eo bet adsavet hag adkempennet dindan un nebeud bloavezioù, kaset di kinkladurioù pinvidikañ an impalaeriezh. Lidet e voe an digoridigezh d'an 11 a viz Mae 330. Bravoc'h ha brasoc'h eget Roma e oa deuet da vezañ dre ma kreske pinvidigezh [[Impalaeriezh roman ar Reter]] a oa bet savet pa oa bet divizet gant [[Teodosius Iañ]] ma vije e zaou vab o ren war pep a hanterenn eus an impalaeriezh roman a oa erru re vras evit bezañ meret en un doare efedus gant ur renerezh kreizennet en ul lec'h hepken. Kêrbenn ar bed [[gresianeg|gresianek]] e oa ivez hag ur greizenn kenwerzh, an hini pouezusañ er bed anavezet e-pad [[kantved]]où. Deuet eo da vezañ [[Istanbul]], kêrbenn gozh ha kêr vrasañ [[Turkia]].
Annezidi Kergustentin a zo anvet ar Gergustentinidi, met graet e vez ar Vizañtiz eus outo peurvuiañ.
== Istor ==
Linenn 13 ⟶ 10:
<small>Pennad pennañ [[Bizantion]]</small>
[[Bizantion]] a oa un [[trevadenn|drevadenn]] staliet er [[VIvet kantved]] gant Gresianed [[Megara]] war [[strizh-mor]] ar [[Bosfor]] etre ar [[Mor Kreizdouar]] hag ar [[Mor Du]]. Ul lec'h strategel e oa hag unan eus ar re wellañ evit ar c'henwerzh. War riblennoù ur draonienn anvet ar C'horn-Aour e oa bet staliet ar [[porzh (evit listri)|porzhioù]], ar porzh kenwerzh hag porzh ar morlu.
== Adsavidigezh kêr gant [[Kustentin]] ==
Pa voe adsavet gant Kustentin e lavared e oa staliet war seiz menez evel Kêr-Roma. Ar "Straed-greizenn" (ar Mêsê), [[men-marbr|mein-marbr]] e-leizh warni, riblennet gant [[bolzwareg]]où war gilometradoù-hed a zibune [[porched]]où, [[plasenn]]où, [[bolz-enor|bolzioù-enor]], [[delwenn]]où hag ilizoù kinklet gant [[marelladur]]ioù hag [[ikon]]où aourennet.