Zheng He : diforc'h etre ar stummoù

 

[[Skeudenn:Zhenghepainting.jpg|thumb|200px|right|Zheng He gwisket evel un amiral]]

 

"Ma Sanbao" (馬 三保) e oa e anv kentañ. [[Muzulman]] e oa, eus ar boblad [[Hui]] ha genidik e oa eus proviñs [[Yunnan]]. Pa voe aloubet Yunnan gant armeoù an impalaerien [[Ming]], e voe prizoniet Ma Sanbao. Spazhet e voe ha dont da vezañ un [[tizog]] e servij an impalaer [[Yongle]], an trede impalaer en dinastiezh Ming, a oa o ren etre [[1403]] ha [[1424]]. Adanvet e voe ''Zheng He'' gant an impalaer. Dont a reas da vezañ unan eus kuzulierien an impalaer. Troet e oa gant ar broioù pell. Ret eo gouzout e oa bet e dad hag e dad-kozh e pirc’hirinded e [[Mekka]] ha Zheng He en doa klevet anezho meur a wech o kontañ o beajoù. Goude studioù e skolaj [[Nanjing Taixue]] (Skolaj Kreiz an Impalaeriezh) e teuas da vezañ ur moraer akuit. Diskouez a ra e ergerzhadennoù e oa ur moraer hag un aozer beajoù barrek, met ne oa ket ur marc’hadour. An anaoudegezh eus ar bed gant Sinaiz a greskas kalz en e amzer met ne zeuas ket kalz a eskemmoù kenwerzhel diwar se. Kontañ a reer ivez e oa bras-divent.

E [[1424]] e varvas an impalaer Yongle. An hini a zeuas war e lerc’h, [[Hongxi]] (a voe o ren etre [[1424]] ha [[1425]]), a zivizas krennañ galloud an tizoged el lez. Zheng He a reas ur veaj all c’hoazh dindan ren an impalaer [[Xuande]] (a rene etre [[1426]] ha [[1435]]), met goude-se e voe echu gant ar beajoù bras. Mervel a reas Zheng He e-pad ar veaj diwezhañ. Daoust m’emañ e vez e [[Nanjing]] (adsavet e voe e [[1985]]), e varvas en donvor moarvat hag e gorf a zle bezañ bet taolet d’ar mor, evel ma veze graet gant an amiraled veur.

 

 

"Meurvor ar c’hornôg" eo a voe ergerzhet gant Zheng He, gouez dezhañ, da lavaret eo morioù er mervent da Sina, etre [[Azia]] hag [[Afrika]]. E-touez ar broioù ma veajas e c’heller menegiñ :

[[Skeudenn:KangnidoMap.jpg|thumb|300px| [[Kartenn Kangnido]] (eus 1402) a voe savet a-raok beajoù Zheng He ha moarvat e voe implijet gantañ. Diskouez a ra ar gartenn-se e oa anavezet mat ar "Bed kozh" gant tud reter Azia d’ar mare-se.]]

 

* Aod [[Afrika]] betek [[kanol Mozambik]]

 

Degas a reas en-dro da Sina kalzik traoù eus e veajoù, profoù ha kannaded eus tregont roue, en o zouez ar roue [[Alagonakkara]] eus Selan. Gant ar gelaouenn amerikan [[Life (kelaouenn)|Life]] eo bet lakaet Zheng He er 14{{vet}} renk e-touez tud pouezusañ ar bed e-pad an eil [[milved]].

 

 

* [http://www.chinapage.com/zhenghe.html Pajenn Sina (e saozneg)]

* [http://www.nationalgeographic.com.es/articulo.jsp?id=422611 Pennad spagnolek en National Geographic, diwar-benn Morlu Bras Sina]

 

{{DEFAULTSORT:Zheng He}}

[[Rummad:Ganedigezhioù 1371]]

[[Rummad:Marvioù 1435]]

[[Rummad:Istor Sina er XVvet kantved]]

[[Rummad:Tud Sina]]

[[vo:Jeng He]]

[[war:Zheng He]]

[[xal:Чжэн Хэ]]

[[yo:Zheng He]]