[[Skeudenn:Loire_River_Blois.jpg|thumb|right|300px|Al Liger e [[Bleaz]].]]
E [[biz]] ar menezioù [[Seven]] ar [[kreisteiz|c'hreisteiz]] emañ [[andon]] al Liger, er menez [[Gerbier-des-Joncs]], e departamant an [[Ardèche]], 1408 m dreist live ar mor. Redek a ra war-du an [[norzh|hanternoz]] a-dreuz [[Roanne]] ha [[Nevers]] betek [[Orleañs]] ha neuze war-du ar [[kornôg|c'hornôg]] betek [[Sant-Nazer]], e [[Breizh]], m'en em daol er [[Meurvor Atlantel]]. An darn vuiañ eus e zoureier a zo re stêrioù ar riblenn gleiz o treuziñ an [[Tolzennad-kreiz]], ur sistem menezioù bras m'eo dizintrus o douaroù ken e tiruilh buan dourioù ar glaveier ken ez eus bet liñvadegoù spontus e [[1856]], [[1866]] ha [[1910]]. [[Chaoser]]ioù uhel ha ledan, graet e douar hag hentoù bras warno, a red war he div riblenn eus [[Orléans]] betek [[Saumur]] evit diwall an draoñienn eus ar gwalleurioù-se. War ar riblenn dehouzehou el lodenn diwezhañ ez eus adstêrioù o treuziñ [[Tolzennad Arvorig]] m'eo dizintrus-kenañ e zouaroù ivez.
Nebeut a [[stankell]]où a zo war al Liger hag e zoureier bras a c'hell bezañ abeg da [[liñvadeg]]où c'hoazh.
