Semele : diforc'h etre ar stummoù

[[ImageSkeudenn:Gustave Moreau 004.jpg|thumb|right|220px|''[[Zeus]] ha Semele'', livet gant [[Gustave Moreau]] ([[1894]]-[[1895]])]]

'''Semele''' (Σεμέλη / ''Semélê'' e [[gregach]]), a oa merc'h d'ar roue [[Kadmos]] (a savas kêr [[Tebai]]) ha d'an doueez [[Harmonia]], a oa unan eus serc'hed [[Zeus]].

Semele a oa belegez, oc'h ober war-dro aoter Zeus. Un deiz e oa an doue meur o nijal, hag eñ gwisket tres un erer gantañ, da evezhiañ ouzh lidoù graet dezhañ pa he gwelas o lazhañ un [[tarv]] war e [[aoter]], ha goude se o neuial er [[stêr]] da walc'hiñ ar [[gwad]] diwarni. Ha Zeus pitilh ganti, da vont d'he gwelet e kuzh.

[[Gwarizi]] a vage an doueez [[Hera]], gwreg [[Zeus]], ouzh Semele a blije kement da vestr an doueed, hag a oa dougerez diwarnañ. Gwiskañ a reas tres [[Beroe]], a oa magerez Semele, hag ar [[plac'h]] da anzav e kouske gant Zeus. Eben a lakaas Semele da ziskrediñ hag ec'h alias anezhi da c'houlenn digant Zeus dispakañ e c'halloud diraki. An doue meur ne gredas ket nac'h outi peogwir en devoa prometet reiñ dezhi kement tra a c'houlennje digantañ.

Diwezhatoc'h, e teuas Dionisos da [[Lerna]], ambrouget gant [[Prosymnos]], da glask an hent war-du an [[Ifernioù]]. Tennañ a reas e vamm eus rouantelezh ar Skeudoù hag en he c'hasas d'an [[Olimp]], ma teuas da vout un doueez anvet '''[[Tione]]'''.

== Orin ==

Dont a ra Semele eus Semelo (Ζεμελώ / ''Zemelố'' e [[gregach]]), a oa doueez an douar e [[Frigia]], hag a veze enoret d'an [[nevezamzer]].

[[pl:Semele (mitologia)]]