'''Aostria-Hungaria''', distaget ([[LFE]]) [{{LFE|ɔ,strijahynɔsˌtriayŋga'ga.rjariːa}}] <ref>[[Simboloù SAMPA brezhoneg]] /OOs%strijahyntriayNga"gari:\rjaa/</ref>, e oa kevredad an div stad meneget en anv ar vro. Diazezet e oa bet e [[1867]] war dachenn [[Impalaeriezh Aostria]] ([[1806]] - [[1867]]). Renet e oa gant an [[Habsbourged]] betek [[1918]]. Dilezet e dron gant an impalaer diwezhañ, [[Karl I]] [[Habsbourged|Habsbourg-Loren]] er bloavezh-se, e voe dispennet ar c'hevredad. Diazezet e oa meur a stad war e dachenn: [[Aostria]], [[Hungaria]], [[Tchekoslovakia]] ha Rouantelezh SHS ([[Yougoslavia]]). Kouezhañ a rae rannvroioù zo e dalc'h [[Polonia]], [[Roumania]] hag [[Italia]].
Anv ofisiel ar c'hevredad a dalveze kement hag ''"Ar rouantelezhioù ha broioù dezho kannaded e Breujoù an Impalaeriezh ha broioù kurun santel hungarian Sant István"''. "Monarkiezh K & K" (diwar an alamaneg ''kaiserlich & königlich'', "impalaerel ha roueel") a veze graet anezhañ ivez.
