Reggae : diforc'h etre ar stummoù

'''Reggae''' a reer eus doare sonerezh brudetañ [[Jamaika]]. Hiziv an deiz eo brudet er bed a-bezh : ouzhpenn bezañ ul luskad sonerezh ez eo ur sevenadur dibar. Peurliesañ e vez liammet ar reggae ouzh al [[luskad Rastafari]], hag a zo ivez a orin eus Jamaika. Hiziv an deiz ez eo deuet da vezañ ur sonerezh hollvedel, evel m'en doa c'hoantaet [[Bob Marley]].

[[Skeudenn:Flag of Ethiopia (1897).svg|thumb|200px|Banniel [[Ethiopia]], implijet er sevenadur [[Rastafari]]]]

[[ImageSkeudenn:Bob-Marley-in-Concert Zurich 05-30-80.jpg|thumb|200px|[[Bob Marley]] e 1980]]

[[ImageSkeudenn:BushDoctor1978.jpg|thumb|200px|[[Peter Tosh]] hag e strollad e 1978]]

E dibenn ar bloavezhioù 1960 eo bet krouet ar '''reggae''' diwar meur a seurt sonerezh all : emdroadur ar [[ska]] hag ar [[rocksteady]], hag ivez sonerezh an inizi Karib ([[mento]] ha [[Calypso (sonerezh)|calypso]]). Ennañ ez kaver ivez levezon ar [[Rhythm and blues]], ar [[jazz]] hag ar [[sonerezh soul|soul music]] (d'ar mare-se e oa diouzh ar c'hiz sonerezh SUA e Jamaika). Hag ivez levezon sonereh Afrika, hini al luskad rasta hag ar c'hanaouennoù [[nyabinghi]], ma'z implijer taboulinoù a vez implijet ivez e lidoù Burru.

Kerkent ha krouet e Jamaika e kemmas ar reggae :

Giz ar [[Rocksteady]], a oa anezhañ a-raok ar reggae, a echuas e [[1968]]

* 1968 - 1970 : '''early reggae''' : [[lusk]] prim, diwar levezon ar sonerezh [[mento]], perzh bras gant ar [[gitar boud]]

* 1970 - 1976 : '''one-drop''' : lusk kreiz, dastalm gorrekoc'h ar sklattaboulin war an 3de pred

* 1977 - 1980 : '''rockers''' pe '''stepper''' gant 4 fred lusket gant an taboulinoù, ha nerzh gant lusk ar sklattaboulin

* 1981 : '''early dancehall''' pe '''rub-a-dub''' : lusk gorrek, perzh bras gant ar gitar boud hag an taboulinoù (toumpiell er pred kentañ ha sklattaboulin en 3de hini)

* 1985 : '''early digital''' : dastalm prim, savet penn-da-benn gant binvioù elektronek