'''Saozneg''' : ''saoz-n + eg'' (''sausnec'' e 1659, donet a ra ag ''saxonica'' dre ''sax'nica'' e latin)
Ar '''saozneg''' zo ur yezh c'hermanek hag ah a a Vro-Saoz. Hennezh zo ar yezh naturel pe unan a yezhoù meur a vro, surtout ar Rouantelezh Unanet hag he c'holonioù a-wecharall, en-o-mesk ar Stadoù Unanet, an Iwerzon, ar C'hanada, an Aostrali, hag ar Zeland-Nevez. Ar saozneg zo unan ag ar yezhoù hag a vez kaozeet ar muiañ er bed.
Levezon ar saozneg: edan levezon er saozneg zo heleizh a yezhoù arall, ba tachennoù a-bouez hidi an dez, da skwer ar [[stlennegezh]] hag an darampelloù-a-bell, an [[armerzh]]. Oc'hpenn eit kement-sèn ema deit da vout pouezus-bras er bed, de gentañ a-gaost da c'halloud an impalàerezh saoz a-wecharall, ha surtout a-gaost da c'halloud armerzh hag arme ar Stadoù Unanet. Ken pouezus ema deit da vout, mard eo ar yezh stankañ an darampelloù etrebroadel, hag eilvet yezh ofisiel ur bochad broioù.
Emdroadur ar yezh: ar saozneg zo ur yezh c'hermanek hag a zo bet edan levezon ar [[galleg]] e meur a gourz. Ar levezon-sèn a vez gwelet dre gaozioù hag a zo bet amprestet (''déjà vu'' pé ''rendez-vous'', div droienn c'hallek hag a vez implijet e saozneg) met en ur bochad kaozioù zo bet savet diàr ur c'hourien [[latin]] c'hoazh ive. Ar c'haozioù-sèn a zo deit a-barzh ar saozneg dre e zarampred get ar galleg: a-gaost d'an dra-sèn emaint tostik-tra, ar skritur, doc'h ar gaoz kar. Ar c'haozioù-sèn a vez kavet er saozneg a-c'houde ker pell, ma ne sell ket mui an Anglezed doc'hte èl doc'h kaozioù gallek. Da skwer: ''difference'',''introduction'', ''village'', ''pure''.
