Foulk IV : diforc'h etre ar stummoù

'''Foulk IV''', pe '''Foulk Rekin''', ganet e [[1043]] e [[Château-Landon]], ha marvet d'ar [[14 a viz Ebrel]] 1109 en [[ Anje]], a oa mab da [[Jafrez II Ferreol]], kont [[Gâtinais]], ha da [[Ermengarde Anjev, merc'h Foulk Nerra|Ermengarde Anjev]]. Kont [[Anjev]] ha [[Teurgn]] e voe eus 1068 betek e varv.

== Dimezioù ==

# Kentañ gwreg en doe e oa ''Hildegarde de Baugency'', merc'h da Lancelin II, aotrou Baugency,

#: a voe mamm da [[Ermengarde Anjev (dugez Breizh)|Ermengarde]] († 1146), dimezet marteze da gentañ da [[Gwilherm IX]], [[dug Akitania]] ha [[kont Poatev]], ha neuze da [[Alan IV]] Fergent, dug Breizh.

# Pa intañvezas e timezas da ''Ermengarde de Bourbon'', merc'h da ''Archambaud IV'', aotrou [[Bourbon]]. En em zispartiañ a rejont, ha strivañ a reas d'he zimeziñ da Guillaume de Jaligny. Bugale o doa bet a-raok o disparti, ha dreist-holl

#: [[Jafrez IV Martel]], († 1106) a voe kont Anjev gant e dad.

# Da drede gwreg en doe ''Aurengarde'', merc'h da Isembard, aotrou Châtel-Aillon, a zimezas dezhañ d'an [[21 a viz Genver]] 1076. E 1080 e kasas anezhi kuit, hag e serras anezhi e kastell Beaumont-lès-Tours, da glask ober un dimeziñ all.

# En taol-se e timezas d'ur verc'h da c'h-Gaoter I{{añ}}, kont Brienne. Kasa reas anezhi kuit ivez, a-raok 1090 war a seblant.

#: Ur [[mab]] o doe da vihanañ: [[Foulk V]], lesanvet Foulk Yaouank (war-dro 1090 † 1144), a vo kont Anjev ha [[roue Jeruzalem]].

Lakat a reas skrivañ un ''Istor konted Anjev '', ha ne chom anezhañ nemet un darn, kavet e-barzh ''Spicilegium'' [[Luc d'Achery]], ha troet e galleg gant an abad [[Michel de Marolles]] en e ''Histoires des anciens comtes d'Anjou''.

[[fr:FoulqueFoulques IV d'Anjou]]