[[Rummad:Gwarez an endro]]{{peurunvan}}{{LabourAChom}}
[[Rummad:Parkoù natur]]
[[fr:Parc naturel régional d'Armorique]]
Ur bastell-vro, dezhi 172 000 hektar war 39 [[kumun Bro-C'hall|c'humun]] e [[Penn-ar-Bed]] eo '''Park an Arvorig'''. Krouet e oa bet e 1969 gant ul lezenn dindan anv ''Parc naturel régional d'Armorique'' (PNRA). E [[Bro-C'hall]] ez eus bet krouet 44 ''park naturel rannvroel'' evit ma vo gwarezet an endro hep ma vo difennet d'an dud bevañ ha labourat enno (ar c'hontrol bev eus reolennoù strizh a gaver er [[park broadel|parkoù broadel]]).
Emellout a ra er Park 43 c'humun, rak eo bet lakaet [[Brest|kêr Vrest]] evel kumun kevreet e mare ar c'hrouadur hag 3 all a zo bet degemeret evel kumunioù kevreet : [[Landerne]], [[Kastell-Nevez-ar-Faou]] ha [[Kastellin]].
Daveiñ a ra anv ar Park d'an [[Arvor]], muioc'h eget d'an [[Arvorig]] hag a zo un anv kozh deuet eus an [[Henamzer]] ha roet da Vreizh a-raok ma teuas embroidi eus Enez Breizh-Veur. Ha gwir eo e ra ar mor ur gouriz da veur a gumun pa z'eus inizi hag inizigoù e-leizh (en-dro da [[Enez Eusa]], [[Molenez]] hag [[Enez-Sun]]) hag ul [[ledenez]] vras, hini [[Kraozon]].
