Er vodadeg diazez kentañ e [[Montroulez]], da-heul gouelioù breizhek, ez eas [[Anatol ar Braz]] da brezidant war un dro gant [[RejisRégis-Marie-Joseph de l'Estourbeillon de la Garnache|Markiz an Estourbeillon]]. [[Frañsez Vallée]] a oa lakaet da brezidant ar gevrenn "Yezh ha lennegezh vrezhonek" asambles gant [[Frañsez Jaffrennou]] (Taldir) aet da sekretour. [[Loeiz Tiercelin]] a oa gant Charlez ar Goffic hag Anatol ar Braz, unan eus izili kentañ Kevredigezh Broadel Breizh. Kavout a reer e-touez an [[ezel|izili]] o deus harpet ar strollad ar [[kannad|gannaded]] Alberzh Mun, Rejis an Estourbeillon, ar barzh [[Yann ar Fusteg]], ar [[roll yezhoniourien ar brezhoneg|yezhoniour]] ha yezhadurour [[Frañsez Vallée]], ar [[sonaozouriezh|sonaozour]] [[Loeiz-Alberzh Bourgault-Ducoudray]], ar c'haner [[Teodor Botrel]], al lenneg Renean Kerviler, [[Guy Ropartz]] ...
