Östersund

Östersund (distaget [œstəˈʂɵnd] e svedeg) zo ur gêr eus kreiz Sveden, e proviñs hag e kontelezh Jämtland. War ribl al lenn Storsjön emañ ha kêr-benn ar gontelezh eo. E 2012 e oa 59 485 a dud o chom e kêr ha gant se ez eo kêr vrasañ kreiz-kornôg Sveden.

Ti-kêr Östersund

Savet e voe Östersund en XVIII^vet kantved. E 1786 e voe roet urzh gant ar roue Gustav III Sveden da sevel ur gêr nevez e Jämtland. E 1810 ne oa nemet 200 a annezidi enni met dont a reas da vezañ pennlec’h proviñs Jämtland. En eil hanterenn an XIX^vet kantved e kreskas kêr, dre ma oa kalz tud o tont da labourat war micherioù ar c’hoad en tolead.

Kêrioù gevellet

Liammoù he deus Östersund gant ar c'hêrioù-mañ :

• Trondheim (Norvegia) abaoe 1946
• Sanok (Polonia)

Liammoù diavaez

• Lec’hienn ofisiel Östersund (sv) (en) (se)