A Song of Ice and Fire
A Song of Ice and Fire ("Ur Ganaouenn a Skorn ha Tan") zo un heuliad romantoù fantasy a vojenn-veur skrivet gant ar romantour ha senarioour stadunanat George R. R. Martin. Kregiñ a reas Martin en heuliad-se e 1991 hag embann ar rann kentañ, A Game of Thrones, e 1996. Tamm ha tamm ec’h astennas an trifezh raktreset e penn-kentañ evit gober pevar rann ouzhpenn a-c'hwael (n’eo ket echu c’hoazh an heuliad).
| Titl | A Song of Ice and Fire  |
|---|---|
| Labour da-heul | Game of Thrones |
| Tachenn | faltazi, high fantasy |
| Aozer | George R. R. Martin |
| Bro orin | Stadoù-Unanet |
| Yezh an oberenn pe an anv | saozneg SUA, saozneg |
| Deiziad embann | 1996 |
| Awenet gant | The Accursed Kings |
| Lec'h an istor | King's Landing, Westeros, Essos, Sothoryos, Ultos |
| Prizioù resevet | NPR Top 100 Science Fiction and Fantasy Books |
| Hollved faltaziek | World of Ice and Fire |
| Roll an tudennoù | list of A Song of Ice and Fire characters |
| Lec'hienn ofisiel | http://www.georgerrmartin.com/book-category/?cat=song-of-ice-and-fire |
Istor kemmañ
C’hoarvezout a ra istor A Song of Ice and Fire war daou gevandir faltaziek, Westeros hag Essos, gant o istor dezhe kozh a viliadoù a vloavezhioù. Kontet e vez an istor en trede gour, hogen gwelet evit pep chabistr diouzh savboent tudennoù disheñvel. Tri istor a gemmesk el levrioù:
- Kronik ur brezel tiernac’hel etre meur a diegezh an noblañs evit kaout ar galloud war Westeros (evit bout roue ar c’hevandir ha staliet war an Tron Houarn pe evit disrannañ douaroù an Hanternoz diouzh ar Su).
- Donedigezh gourdrouz un droug dianav, pe ankouaet kentoc’h, hini “ar Re Arall”, boudoù damvojennel o vevañ e tiriadoù en tu-hont d’ar Voger bet savet e Hanternoz Westeros miliadoù a vloavezhioù zo evit difenn ar rouantelezh dioute (ha ne servije mui nemet da herzel ouzh ar “ouezarded” d’hec’h aloubiñ pe d’he breizañ).
- Youl divrall Daenerys Targaryen, c’hoar da Aerys II “ar roue foll” bet distroadet gant Robert Baratheon, ha hêrez reizhwiriek nemeti an Tron Houarn, da zistreiñ da Westeros hag adc’hounit tron he zad. Bevañ a ra en harlu abaoe he bugaleaj tenerañ war Essos. Graet e vez “mamm an erevent” anezhi abalamour d’he zri aerouant (spesad boudoù aet da get abaoe kantvedoù kent mar gellas Daenerys genel tri anezhe diwar vioù kozh).
Embannadurioù kemmañ
| # | Titl | Niver a bajennoù | Niver a chabistroù | Embannadur (SUA) |
|---|---|---|---|---|
| 1 | A Game of Thrones | 704 | 73 | Eost 1996 |
| 2 | A Clash of Kings | 768 | 70 | C'hwevrer 1999 |
| 3 | A Storm of Swords | 992 | 82 | Du 2000 |
| 4 | A Feast for Crows | 753 | 46 | Du 2005 |
| 5 | A Dance with Dragons | 1056 | 73 | Gouhere 2011 |
| 6 | The Winds of Winter | Da vout embannet | ||
| 7 | A Dream of Spring | Da vout embannet |
E broioù zo hag evit troidigezhioù zo ez eus bet dibabet isrannañ rannoù an embannadur orin. E Bro-Saoz ez eus bet 7 rann betek-henn tra mard eus 5 evit an embannadur amerikan orin. E galleg ez eus 15 rann (advoulet gant J'ai Lu hervez an didroc'h orin adalek 2010). 10 zo en alamaneg...
Awen kemmañ
Istor kemmañ
Awenet eo bet George R. R. Martin gant darvodoù istorel pe fedoù douaroniel gwirion: Brezel an Div Rozenn, Moger Hadrian,...; mod-arall, tenn a ra Westeros da Vro-Saoz a-fet stumm, hag all.
Relijion kemmañ
A-hend-arall, n’eus douetañs ebet en deus Martin klasket kemer patrom ar gristeniezh hag ar baganelezh evit taolenniñ ar relijionoù ez eus anv anezhe en e oberenn: en un tu ez eus kaoz gantañ a-zivout ur relijion undoueek dic’houzañv, hini “mestr ar gouloù”, hogen dezhañ un doue dianv (pe anvet “an Hini All”) oc’h ober e bar teñval; en tu arall, relijionoù liesdoueek (hini tud ar Su dezhi seizh doue, ha hini an dud kentañ a zo ivez hini tud an Hanternoz (diskennidi ar re gentañ) gant doueed kozh diniver). Er relijionoù-mañ diwezhañ e tesreveler d’ur bihan niver ez eo, e gwirionez, razh an doueed un undoue e meur a stumm.
Perzhioù dibar an oberenn kemmañ
Klasket en deus Martin pellaat diouzh kendivizadoù ar stil moliac’h. Realouroc’h eo oberenn Martin: daoust mar kaver enni un toullad boudoù dreistordinal (erevent, “ar Re Arall”) ez eo mudurun A Song of Ice and Fire an itrikoù politikel ha poanioù an tudennoù, evel ma vefed en ur Grennamzer faltaziek. Dre ma lenner an istor dre savboentoù an holl benndudennoù tro-ha-tro e c’heller kompren o zrivliadoù hag o divizoù, zoken re ar re “fallañ” pe forc’hellekañ. Ouzhpenn e c’heller arvestiñ ouzh marv trumm ur benndudenn a heulier abaoe ar penn-kentañ, ar pezh a zo dibaot a-walc’h el lennegezh.
Berzh kemmañ
Ouzhpenn 15 milion a skwerennoù zo bet gwerzhet er bed a-bezh ha troet eo bet en ouzhpenn ugent yezh. Savet ez eus bet ur stirad-skinwel (Game of Thrones) gant ar chadenn HBO diwar al levrioù-se.