Alan

Alan zo un anv-badez brezhonek ha saoznek.

Orin kemmañ

Hervez Ferdinand Lot e c'hallfe dont eus an anv latin Alanus, a veze graet eus un den eus pobl an Alaned, pa oa bet degaset soudarded eus ar bobl-se, a oa o chom e kostez Iran war-dro deroù ar V^vet kantved, da ziwall ar stêr Liger e-kichen Brezhoned deuet eus Enez Vreizh^[1].
Diaes eo krediñ e teufe an anv-se eus an darempred etre Alaned ha Bretoned hepken, eme Léon Fleuriot^[2]. Dont a ra moarvat eus ur ger keltiek kozh a gaver roudoù anezhañ en henvrezhoneg, e brezhoneg, en hengembraeg, e kembraeg, en heniwerzhoneg evit envel ul loen gell-rous e vlevenn.

Kavet e vez o talvezout "menn-karv" e Canu Aneirin, B2.28, linenn 1125 : "gnaut i-lluru alan buan bithei", "boas e oa da vezañ mibin evel ur menn-karv"^[3].

Degaset e voe an anv-se da Vro-Saoz gant Bretoned o doa kemeret perzh en aloubadeg ar vro-hont da heul Gwilherm an Alouber en XI^vet kantved.

Sant Alan, a oa kembreat a orin, zo bet pevare eskob Kemper er VI^vet kantved ; un Alan ivez, a hevelep hini marteze, zo bet sant paeron Korle. Daou briñs breton zo bet anvet Alan : Alan Iañ a voe roue Breizh adalek 890 betek e varv e 907 hag Alan II (910–952) a voe kentañ dug Breizh adalek 936 betek e varv^[4]^,^[5].

E brezhoneg kemmañ

Evit ar merc'hed: Alana, Alanez.
Berrstummoù: Naig, Nezig.

E yezhoù all kemmañ

Alanus e latin
Alain e galleg
Alan pe Allan, pe Allen e saozneg
Alan e poloneg ha slovakeg
Alano, en italianeg
Ailin, Alani, en iwerzhoneg

Tud kemmañ

Alan IV, lesanvet Alan Fergant.

Alan Stivell en Nürnberg, e Gouhere 2007.

Alan, kanerez sinaat

Aostralia

Alan Jones (g. e 1946), blenier-kirri

Breizh

Un anv kozh eo e Breizh, stankoc'h e Kerne, dre abegoù istorel. Anavezet eo an anvioù-tiegezh Allanig, Alanou, Allano, Alleno hag Abalan.

Krennamzer kemmañ

Sant Alan (war-dro ar VI^vet pe VII^vet kantved), eskob Kemper, lidet d'ar 27 a viz Kerzu.
Ar gwenvidig Alan ar Roc'h, pe Alanus de Rupe, er XV^vet kantved, lidet d'an 9 a viz Gwengolo a oa breizhat marteze.
Alan Iañ (marvet e 907), roue Breizh
Alan II (910-952), kentañ dug Breizh
Alan III, seizhvet dug Breizh
Alan IV (c. 1060-1119) lesanvet Alan Fergant, dekvet dug Breizh
Alan Breizh, kont Naoned
Alan Kenarzh, kont Kerne (†1058)
Alan ar Rouz (1040-1093), kont Richmond
Alan Pentevr, pe Alan an Du (1100-1146), kont Richmond
Alan IX Roc'han, denjentil.

XIX^vet kantved kemmañ

Alan Dumoulin, beleg ha yezhadurour

XX^vet kantved kemmañ

Alan-Gwenog Berr (1913-1974), yezhoniour
Alan Botrel, barzh, ha kelenner brezhonek
Alan Dipode, treser, skrivagner ha troer brezhonek
Alan an Diuzet (1900-1991), skrivagner ha troour brezhonek
Alan Heusaff, yezhoniour, geriadurour, kazetenner hag emsaver breizhat
Alan Kervern, skrivagner brezhonek
Alan Louarn, broadelour breizhat
Alan Simon, soner ha skrivagner
Alan Stivell, telenner ha kaner brezhonek
Alan Tangi, anavezet evel Lan Tangi, barzh, bet kelenner brezhoneg e Roudour, breur da Vernez Tangi.

XXI^vet kantved kemmañ

Alan Martel, skrivagner ha troer brezhonek

Bro-Saoz

Alan Bates, aktour
Alan Bennett, skrivagner saoznek
Allan Octavian Hume (1829-1912), louzawour hag evnoniour
Alan of Lynn (war-dro 1348 – war-lerc'h 1423), doueoniour
Alan Moore (g. e 1953), senarioour bannoù-treset
Alan Price, bet ograouer gant The Animals, a-raok krouiñ Alan Price Set
Alan Rickman, ganet en 1946, aktour
Alan Shearer, melldroader brudet e Newcastle United
Alan Sillitoe, skrivagner
Alan Turing, matematikour

Bro-C'hall

Allan Kardec : anv-pluenn ar gall Hippolyte Léon Denizard Rivail, "reizher ar speredouriezh", brudet mat e Brazil. Gouez dezhañ e vije bet e anv dezhañ pa oa drouiz e Galia.

Kembre

Alan Llwyd, barzh, skridvarnour hag embanner

Perou

Alan García Pérez, prezidant ar vro

Republik Pobl Sina

Alan, pe Alan Dawazhuoma, ganet en 1987, kanerez sinaat a orin tibetat.

Stadoù-Unanet

Allan Pinkerton (1819-1884), igounier
Allan Ginsberg, barzh beatnik
Alan Greenspan, armerzhour
Alan J. Pakula, filmaozer
Edgar Allan Poe, skrivagner
Alan Shepard (1923-1998), astraer
Alan Silvestri, sonaozour

Zeland-Nevez

Alan Duff, skrivagner

Loened kemmañ

Daou loen zo anvet Alan pe Alanig e brezhoneg : al louarn, met Alanig a vez graet anezhañ kentoc'h, hag Alanig kof ruz a vez graet eus ar boc'hruz war-dro Landreger.

Krennlavar kemmañ

Ar broc'h a doull an douar / Hag Alanig a grog er yar.

Lennegezh kemmañ

Alanik al Louarn, gant Yann-Vari Perrot
Troiou-kamm Alanig al Louarn gant Jakez Riou

Lec'hanvadurezh kemmañ

Alan (Haute-Garonne), ur gumun e Bro-C'hall ; enni emañ La Vache d'Alan, lesanv palez eskibien Comminges.
Alan, ur gêriadenn e Tatarstan, e Kevredad Rusia.
Alan, ur lec'h en Emirelezhioù Arab Unanet.

Liammoù diavaez kemmañ

Sant Alan

Pennadoù kar kemmañ

Notennoù kemmañ

↑ Alain Stéphan, Tous les prénoms celtiques, Éditions Jean-Paul Gisserot - Collection Terre des Celtes, 1999 (ISBN 978-2-87747-395-8)
↑ Léon Fleuriot, Les origines de la Bretagne : l'émigration, Payot, 1980, p. 204 (ISBN 978-2-228-12710-3)
↑ John T. Koch, The Gododdin of Aneirin: Text and Context from Dark-Age North Britain, Celtic Studies Publications, 1997, p. 9 (ISBN 978-0-7083-1374-9)
↑ Albert Deshayes : Dictionnaire des noms de famille bretons, Le Chasse-Marée–ArMen, 1995, p. 86 (ISBN 978-2-903708-61-0)
↑ Gwennole ar Menn, Grand choix de prénoms bretons, Coop Breizh, 1990, p. 15 (ISBN 978-2-909924-01-4)

[1] Alain Stéphan, Tous les prénoms celtiques, Éditions Jean-Paul Gisserot - Collection Terre des Celtes, 1999 (ISBN 978-2-87747-395-8)

[2] Léon Fleuriot, Les origines de la Bretagne : l'émigration, Payot, 1980, p. 204 (ISBN 978-2-228-12710-3)

[3] John T. Koch, The Gododdin of Aneirin: Text and Context from Dark-Age North Britain, Celtic Studies Publications, 1997, p. 9 (ISBN 978-0-7083-1374-9)

[4] Albert Deshayes : Dictionnaire des noms de famille bretons, Le Chasse-Marée–ArMen, 1995, p. 86 (ISBN 978-2-903708-61-0)

[5] Gwennole ar Menn, Grand choix de prénoms bretons, Coop Breizh, 1990, p. 15 (ISBN 978-2-909924-01-4)

[1]

[2]

[3]

[4]

[5]