Arvorig FM
Ur skingomz hollvrezhonek eo Arvorig FM, nann-kenwerzhel eo. Staliet eo e Landerne, e Park Ijinañ Meskoad. Skingaset e vez hec'h abadennoù war an talm 91,7 MHz e Bro-Leon ha 107MHz e Landerne. Mouezh Bro-Leon eo he lugan ha skrivet eo "E brezhoneg penn-da-benn" en he logo. Adkaset e vez lod eus an abadennoù gant Radio Kerne, Radio Kreiz Breizh ha Radio Bro Gwened.
Yezh implijet | brezhoneg |
---|---|
Lec'hienn ofisiel | http://www.arvorigfm.com/ |
An arc'hant implijet gant ar radio a deu eus Kuzul Rannvro Breizh, Kuzul-departamant Penn-ar-Bed hag eus un aozadur stad, an FSER (Fond de Soutien à l'Expression Radiophonique).
Hervez testenioù ne vez klevet nag e kreiz-kêr Brest nag e Rekourañs.
Istor kemmañ
Krouet e oa bet Arvorig FM e Brest e 1995.Gireg Konan a oa unan eus ar re o deus krouet Arvorig FM gant David ar Gall, Andrev Roparzh, Ronan Hirrien, Ronan Debel, Jean-luc Bergot ha tud all e Kommana e 1998. Mont a reas studioioù ar radio d'en em staliañ e Kommanna goude-se. Ha bremañ emaint e Landerne.
Bec'h he deus bet ar radio o kaout ur frekañs nevez digant ar CSA e 2007.
Aozadur kemmañ
Yann-Bêr Thomin eo ar Prezidant. Herve ar Beg eo ar rener.
Kenlabourat a ra er bodad Brudañ ha Skignañ.
Liammoù diavaez kemmañ
- (br) (fr) Lec'hienn Arvorig FM
Porched Breizh – Adkavit pennadoù ha rummadoù Wikipedia a denn da Vreizh. |