Augustin Morvan
Augustin Marie Morvan (7 a viz C'hwevrer 1819 – 20 a viz Meurzh 1897) a oa ur medisin ha politiker breizhat.
Anavezet eo evel an hini kentañ en deus studiet ar c'hleñved neurologel anvet kleñved Morvan, ma vezer digousk. Genidik e oa eus Lanniliz e Bro-Leon ha goude e studioù e Pariz e tistroas d'e vro d'ober e vicher er vourc'h-se. Bez e voe maer Lanniliz ha kuzulier-kanton e-pad meur a vloaz ha kannad adalek 1871, dindan an Trede Republik. Stourm a reas kalz evit gwellaat yec'hed an dud vunut hag evit netra e prederie tud paour e gornad. Embann a reas pennadoù e kelaouennoù medisinerezh hag anvet e voe da gensrkiver gant Akademiezh medisinerezh Pariz.
Kenderc'hel a reas da labourat betek fin e vuhez, da 78 vloaz. Pa oa bet adsavet ospital Brest e 1945 e voe roet e anv dezhañ.
Levrlennadur kemmañ
- Jacques Arnol, De Lannilis à l'hôpital de Brest, Augustin Morvan, ISBN 978-2-9543234-1-1.