Carl von Clausewitz
Carl Philipp Gottlieb Clauswitz, goude Clausewitz, ha von Clausewitz adal 1827 (ganet d'ar 1añ a viz Gouere 1780 e Burg, aet d'an anaon d'ar 16 a viz Du 1831 e Breslau) a oa ur jeneral major prusian, adreizher an arme hag amkanour ar brezel.
Anavezet eo Clausewitz gant e bennoberenn Vom Kriege hag a ziorroas un damkaniezh diwar-benn ar brezel. E deoriennoù diwar-benn ar strategiezh, an taktik hag ar brederouriezh o deus bet ul levezon vras war emdroadur skiant ar brezel en holl vroioù ar c'hornôg hag a vez desket c'hoazh hiriv an deiz en akademiezhioù an arme. Implijet e vezont ivez evit ar merañ embregerezhioù hag ar marketing.