Chester

Gant ar ger Chester e tegouezher amañ. Evit sterioù all ar ger, gwelit Chester (disheñvelout).

---

Chester (Caer e kembraeg, gwelloc'h : Y Gaer), da lavarout eo kêr / kreñvlech / Kêr mogeriet, e brezhoneg) eo anv pennlec'h kontelezh Cheshire e kornôg Bro-Saoz, tost da harzoù Kembre.

Stalioù Chester (2005)

Ar pont war ar stêr Dyfrdwy ha dismantroù mogerioù Caer

Douaroniezh

• 

Anv

Dont a ra an anv Chester eus ar ger castra e latin (kamp, lec'h kreñv) evel an holl lec'hanvioù saoznek a echu gant cester pe chester.

• Ptol : Deva Legion VV Nikephore; eilstumm : Devana
• (gresianeg : Nikephore = latin Victrix, lez-anv roet da Legio XX Valeria goude trec'h ar Romaned war Boudika)

• A.I : Deva Leg. XX Vici; Devam; Deva;
• Ravenna : Deva Victrix;
• Beda : Ciuitas Legionum, Legacaester;
• A.S.C : Ceaster;
• D.B : Cestre;
• Nennius : Cair Legion;

Ardamezioù

"en glazur, e gleze ouzh kab en aour, eilet gant teir manal ed 2, 3, ivez en aour"

Istor

Kêr Chester a zo bet krouet diwar ur c'hamp roman, savet evit al Legio XIV Gemina hag ul lodenn eus al Legio XX Valeria, e 60 goude JK, a-raok argadiñ Enez Mon hag an drouized, sur a-walc'h dindan renerezh Suetonius Paulinus.

Adsavet eo bet e 78 evit al Legio II Adiutrix (Eil legio eiler - en harp), deut da gemer lec'h al Legio XIV Gemina.

Deva / Chester a zo bet pennkarter al Legio XX Valeria Victrix adal 86 betek 383-384.

Legio XX Valeria Victrix a zo bet beg houarn arme Maksim etre 383 ha 388. Goude-se n'eus ket bet anv anezhi ken en istor.

E 606, Aethelfrith, roue Northumbria, e drec'has diwar Brochail, penn-kadour ar Vretoned, troc'han Bro-Gembre diouzh Stathclyde. Hervez Jafrez Menoe e lazhas 1200 manac'h; 200 hervez an Anglo-Saxon-Chronicle (ASC)

Ad-kemeret gant ar Vretoned gwech ha gwech all, e chom e benn ar fin etre daouarn Saksoned entre 616 ha 655.

Re an Denmark a dap grog diouti e 893.

An Normaned, dindan Gwilherm an Alouber, a dap krog enni e 1070.

Simon de Montfort, earl / kount Chester eus 1264 da 1265, n'eus mann da welout gant Montfort-sur-Meu, e Breizh, mes gant Montfort-l'Amaury.

Stêr

Treuzet eo kêr Caer gant ar stêr Dee, a zo Dyfrdwy e kembraeg, hag a zeu eus menezioù Kembre.

Dee a zeu eus Deva = ar stêr an doueez sakred