Eil Kroaziadeg
An eil kroaziadeg (1147–1150) a oa ar groaziadeg a heulias an hini kentañ, aet eus Europa. An eil kroaziadeg a oa bet loc'het da-heul diskar Kontelezh Edessa e 1144 dindan tagadennoù an Durked. Ar gontelezh a oa bet savet e-pad ar c'hentañ kroaziadeg (1096–1099) gant ar roue Baldwin Iañ eus Jerusalem e 1098. Daoust ma oa ar stad latin kentañ savet, e voe ivez an hini gentañ o kouezhañ koulskoude.
Passage Outremer gant Jean Colombe ha Sébastien Momerot
An eil kroaziadeg a voe galvet gant ar pab Ujan III hag e oa ar c'hentañ kroaziadeg renet gant ar rouaned europat, da lâret eo Loeiz VII a vro-C'hall ha Konrad III Alamagn, gant harp meur a zenjentil en Europa a-bezh. Pep arme he devoa kerzhet distrollet o-unan. War-lerc'h treuziñ an tiriad bizantat en Anatolia e oa bet trec'het an div arme gant an Durked Seljuk. Hervez ar vammenn bennañ skrivet gant Odo Deuil ha mammennoù eus kristenien sirian e voe klasket tarvañ ar groaziadeg gant an impalaer Bizantion Manuel Iañ Komnenos, en Anatolia pergen, e-lec'h ma klaskas lakaat an Durked d'argadiñ anezho. Loeiz ha Konrad a zegouezhas e Jeruzalem ha kemer a rejont perzh en argad e Damask e 1148. Ar groaziadeg d'ar Reter a voe c'hwitet gant ar groazidi, hag un trec'h da vat e voe evit ar Vuzulmaned. Sur a-walc'h ez eus bet ul levezon vras gant an darvoud-se war ziskar Jeruzalem ha lakaat a reas krogiñ an Trede Kroaziadeg e fin an XIIvet kantved.
An trec'h nemetañ en eil kroazadeg zo bet graet gant 13 000 kroaziad (Flamank, Frizian, Norman, Saoz, Skosad, hag Alaman) e 1147. Kemer a rejont Lisbon digant ar vorianed en ur veajiñ etre Bro-Saoz hag an Douar Santel o harpañ an arme portugalat.