Emgann Jengland
Emgann Jengland (anvet ivez Jengland-Beslé, Beslé ha Grand-Fougeray e galleg) a oa c'hoarvezet d'an 22 a viz Eost 851 e Felgerieg-Veur etre ar Franked, renet gant an impalaer Karl Voal, hag ar Vretoned renet gant Erispoe, roue Breizh. Aet e oa an trec'h a-grenn gant arme ar 1 000 soudard brezhon war ar 5 000 soudard frank (etre 4 000 ha 6 000).
| Emgann Jengland | |||||||
|---|---|---|---|---|---|---|---|
| |||||||
| Emgannerien | |||||||
 Dugelezh Breizh |  Karl Voal | ||||||
| Pennoù-brezel | |||||||
 Erispoe | Karl Voal | ||||||
| Niver a emgannerien | |||||||
| 1000 soudard | etre 5000 ha 6000 soudard | ||||||
| Kolloù | |||||||
| Dianav (izel) | Dianav (uhel) | ||||||
Kenaroud kemmañ
En desped da vezañ bet sinet un emglev peoc'h etre Karl Voal ha Nevenoe en 846, ar Vretoned a gendalc'he ergerzadennoù brezel. Nevenoe a c'hortozas 849 evit argadiñ da vat. Klask a ra ma vije ur rouantelezh dieub eus Breizh dishual diouzh ar Franked. Setu perak e ro lamm d'an eskibien leal da Garl Voal gant ar rebech a simoniezh evel Landran II, arc'heskob Tours. Erlec'hiet int gant eskibien leal da Vreizh evel Gislard en Eskopti Naoned ha goude-se Gwenrann pe Courantgwen evit hini Gwened).
Feur-emglev Angers kemmañ
Goude an emgann e voe sinet feur-emglev Angers, e miz Gwengolo 851, ha drezañ e voe nevezet an darempredoù etre Brezhoned ha Franked, ma voe anavezet Erispoe evel roue Breizh gant Impalaer ar C'hornôg .
Hervez Bloazdanevelloù Saint-Bertin "Erispoe, mab da Nevenoe", a resevas, e kêr Angers, arouezioù ar rouaned ha kontelezhioù Roazhon, Naoned ha Raez.