Eurier
Un eurier, pe ur montr, zo un horolaj hezoug treloc'hel pe elektronek hag a vez douget gant e berc'henn pe e berc'hennez.
Tri seurt eurieroù a gaver hiriv : an eurier-brec'h (anvet ivez horolaj-dorn[1]), hag a vez douget ouzh an arzorn, an eurier-ispilhenn hag a vez douget evel un dro-c'houzoug ha, raloc'h bremañ, an eurier-godell.
Brudet eo eurieroù Suis, a-douez reoù arall.
_-_Walters_5817_-_View_C.jpg)
Ur seurt boest eo an eurier, rod kendantañ pe amredoù elekronek enni, goloet gant ur werennig ma lenner an eur drezi.
Parzhioù un eurier kemmañ
Eurier treloc'hek kemmañ
Eurier elektronek kemmañ
Eurier gant bizied kemmañ
Hennezh a ziskouez an eur dre zaou viz hefiñv, unan bihan evit an eurioù, unan brasoc'h evit ar munutennoù. Ur biz all a vez ouzhpenn alies da ziskouez an eilennoù. Ne c'haller ket diforc'hañ ar beure diouzh an noz : war 12 e vo an daou viz, ha pa vefe kreisteiz pe hanternoz.
Treloc'hek pe elektronek e c'hall bezañ.
Eurier niverel kemmañ
Dre sifroù e vez diskouezet an eur gant seurt eurieroù. Da skouer, evit diskouez ez eo unnek eur ha kard, e tiskouezo 11:15 (unnek eur ha pemzek munutenn). Bez' e c'heller reizhañ an eurier evit ma tiforc'hfe etre beure hag abardaez, dre e reizhañ war un diskouez 12 eurvezh, ma vo 11:15 AM (latin ante meridiem, "a-raok kreisteiz") pe 11:15 PM (post meridiem, "goude kreisteiz"), pe war un diskouez 24 eurvezh, ma vo 11:00 da veure ha 23:00 da noz.
Elektronek bepred e vez an eurieroù niverel, evel-just.
Notennoù kemmañ
- ↑ E Geriadur Hemon-Huon. Gregor a Rostren a rae gant « horolaj-dorn » evit an eurier-godell, hervez Geriadur Favereau, s.v. horolaj.
