Galateg
Ur yezh keltiek kar-nes d'ar galianeg eo ar galateg hag ur yezh varv a zo bet komzet e Galatia, bro ar C'halated, e-kreiz Azia-Vihanañ tro-dro da gêr-benn Turkia, Ankara hiziv (bet Ankira hag Angora gwechall). N'eus chomet nemet nebeut a roudoù pa n'eus testenn hir anavezet ebet anezhi. Anaout a reer war-dro 120 ger, anvioù-tud an darn-vuiañ anezho. Deuet int betek ennomp dre ar skridoù gresianek kozh ha dre un nebeud enskrivadurioù.
| Galateg (?) | |
|---|---|
| Henyezh | |
| Perzhioù | |
| Komzet e : | Yezh varv |
| Rannved : | |
| Komzet gant : | Yezh varv |
| Renkadur : | goude 100 |
| Familh-yezh : | Yezhoù Indezeuropek |
| Statud ofisiel | |
| Yezh ofisiel e : | - |
| Akademiezh : | - |
| Kodoù ar yezh | |
| ISO 639-1 | - |
| ISO 639-2 | - |
| ISO 639-3 | |
| Kod SIL | - |
| Sellit ivez ouzh ar pennad Yezh. | |
Istor berr kemmañ
Deuet e oa ar C'halated, ur bobl kar d'ar C'halianed, da reiñ skoazell da roue Bitinia, hag en em staliañ a rejont e kreiz Azia-Vihanañ war-dro 277 kent JK. Menegiñ a ra sant Yerom e veze komzet galateg c'hoazh er IVe kantved, hag e oa ur yezh heñvel ouzh hini tud Trier (Alamagn hiziv) hervezañ.
Mesket eo bet tamm-ha-tamm ar C'halated gant ar c'hresianegerien ken ne ouzer ket pegoulz eo bet aet o yezh da get. Aloubet eo bet o bro gant an Durked seldjoukour en XIvet kantved.
Keñveriadur gant yezhoù keltiek all kemmañ
- Hervez Strabon en em vode ar C'halated aozet e tri meuriad en ul lec'h anvet Drunemeton (30 km e Su Ankara hag heñvel a-walc'h e seblant bezañ ouzh lec'h bodañ ar Garnuted). Komprenet e vez evel Dru + nemeton, ur ger galianeg evit lec'hioù sakr a veze stank e broioù ar C'halianed. Neved a vez graet anezho e brezhoneg. Hervez lod e teu dru eus ar wrizienn geltiek evit an derv, met talvezout a ra ivez kement ha gouiezegezh.
- Meur a anv-den galat a zo gant al lostger -riks evel ar galianeg -rix, an henvrezhoneg ri, da lavaret eo roue
- Meur a anv-den galat a zo gant al lostger -marus ivez evel ma kaver -maros e galianeg : iwerzhoneg mor, ha brezhoneg meur
- Un nebeud anvioù meuriadoù hag ismeuriadoù a zo heñvel pe peuzheñvel ouzh re ar C'halianed
- An Ambitouti (iwerzhoneg imm = endro + tuath = meuriad - brezhoneg : tud
- An Dektosaged
- ar Volked Tektosaged o doa preizhet Delfos hag o dije kaset an aour laeret ganto da Dolosa, ur skourr eus ar meuriad galat moarvat. Sellet ouzh an Ergerzhadeg veur
- Tektosaged a c'hellfe talvezout kemet ha "Klaskerien douar"
- An d/Trokmed
- An d/Tolitosbogied
Levrlennadur kemmañ
- (en) Philip Freeman, The Galatian Language: A Comprehensive Survey of the Language of the Ancient Celts in Greco-Roman Asia Minor, Lewiston, New York, Mellen Press, 2001, ISBN 0-7734-7480-3,
- (de)Leo Weisgerber, Galatische Sprachreste In Natalicium Johannes Geffcken zum 70. Geburtstag 2. Mai 1931 gewidmet von Freunden, Kollegen und Schülern, 151–75. Heidelberg, Carl Winter