Giuseppe Cavanna

Giuseppe Cavanna, bet ganet d'an 18 a viz Gwengolo 1905 e Vercelli (Rouantelezh Italia d'an ampoent) hag aet da Anaon d'an 3 a viz Du 1976 er memes kêr, a oa ur melldroader etrebroadel italian (diwaller-pal e bost dezhañ war an dachenn), aet da c'hourdoner war-lerc'h e amzer c'hoarier.

E vicher (evel c'hoarier)

Er c'hleuboù

Chom a reas da c'hoari en Italia ha sed amañ da-heul ar c'hleuboù en devoa c'hoariet enne :

• 1921-25 : Vercellesi Erranti,
• 1925-29 : Pro Vercelli,
• 1929-36 : Associazione Calcio Napoli,
• 1936-37 : Benevento,
• 1937-39 : Pro Vercelli.

E skipailh broadel Italia

Biskoazh ne zougas krez skipailh pennañ an Azzurri. Gant ar skipailh B e kemeras perzh e pemp krogad koulskoude, etre 1931 ha 1933.

Krogadoù a vignoniezh

Deiziad	Lec'h	Krogad	Merk
12 a viz Ebrel 1931	Luksembourg	Luksembourg - Italia B	0-3
14 a viz Mae 1931	Budapest	Hungaria B - Italia B	0-1
10 a viz Ebrel 1932	Como	Italia B - Luksembourg	12-0
8 a viz Mae 1932	Firenze	Italia B - Hungaria B	4-2
7 a viz Mae 1933	Praha	Tchekoslovakia B - Italia B	1-2

Kib vell-droad ar bed

Kemeret en devoa perzh en un dalc'h hepken, hep c'hoari krogad ebet :

• Kib vell-droad ar bed 1934 bet aozet e Rouantelezh Italia ma oa aet ar maout gant skipailh broadel Italia evit ar wech kentañ.

E vicher (evel gourdoner)

Adalek 1945 ez eas Giuseppe Cavanna da c'hourdonañ tri c'hleub en Italia :

• 1945-46 : Avezzano,
• 1951 : Nocerina,
• 1959 : Pro Vercelli.

Liamm diavaez

• Krogadoù etrebroadel Giuseppe Cavanna war 11v11