Hellraiser
Hellraiser zo ur film spont ha moliac'h saoz embannet e 1987. Skrivet ha renet eo bet gant Clive Barker, ha produet gant Christopher Figg. Diazezet eo ar film war al levr The Hellbound Heart gant Barker. Gant ar film-se eo ar wech kentañ ma weler Barker o seveniñ filmoù. An istor a gont dasorc'h Frank (Sean Chapman), a oa deuet a-benn da zigeriñ un nor etrezek ur bed all lec'h ma oa bet jahinet gant euzhviled anvet Cenobites. Bloavezhioù war-lerc'h, breur Frank anvet Larry (Andrew Robinson) a ya da vevañ gant e wreg nevez Julia (Clare Higgins) e ti e vamm aet da Anaon. Ur gwallzarvoud a laka gwad Larry da gouezhañ war al leur, ar pezh a zihun Frank ha da gregiñ e zasorc'h. Evit dont a-benn da zistreiñ da vat, ezhomm en deus kalz muioc'h a wad ha Julia a glask sikour anezhañ. Kirsty Cotton (Ashley Laurence), merc'h Larry, a gav boest miltamm Frank, ar pezh a laka ar Cenobites da zont en hor bed. E penn ar vandenn euzhviled emañ "Pinhead" (Doug Bradley).
.jpg)
| Titl | Hellraiser  |
|---|---|
| Diazezet war | Hellraiser |
| Danvez pennañ | supernatural, Ifern, Dasorc'hidigezh, poan, plijadur |
| Heuliet gant | Hellbound: Hellraiser II |
| Tachenn | Sinema spont, filmoù diazezet war ur romant, body horror film |
| Dezerc’her | Christopher Young |
| Bro orin | Rouantelezh-Unanet, Stadoù-Unanet |
| Yezh orin ar film pe an abadenn skinwell | saozneg |
| Deiziad embann | 13 Mae 1987, 3 Meu 1988, 18 Gwe 1987, 29 Gen 1988, 1987 |
| Sevener | Clive Barker |
| Senarioour | Clive Barker |
| Rener ar skeudennaouiñ | Robin Vidgeon |
| Frammer filmoù | Richard Marden |
| Production designer | Michael Buchanan |
| Sonaozer | Christopher Young |
| Produer | Christopher Figg |
| Amleder | Entertainment Film Distributors, Netflix |
| Set in period | Bloavezhioù 1980 |
| Lec'h an istor | Londrez |
| Lec'h filmañ | Pinewood Studios |
| Liv | liv |
| Review score | 70%, 6.5/10, 56/100 |
| Tudennoù | Female Cenobite, Pinhead, Kirsty Cotton |
| Diaz embann | video diwar c’houlenn |
| Australian Classification | M |
| Renkadur EIRIN film | PG12 |
| Renkadur Filmiroda | Category IV |
| Renkadur FSK | FSK 18 |
Hellraiser zo bet filmet e fin ar bloavezh 1986. Barker en doa c'hoant da gaout ar strollad sonerezh elektronek Coil da sevel sonerezh ar film. A-benn ar fin dre bouez ar broduerien e voe adsavet ar sonerezh gant Christopher Young. Temoù gant Coil a voe kemmet nebeut gant Young ha dalc'het er film. Hellraiser zo bet skignet evit ar wech kentañ er sinema Prince Charles d'an 10 a viz Gwengolo 1987.
Abaoe e embann ez eo rannet mat ar burutelladennoù met dre-vras eo bet degemeret mat: Melody Maker a ra eus ar film ar "greatest horror film made in Britain", met evit Roger Ebert ez eo ur "bankruptcy of imagination". 9 film da heul zo bet savet betek-henn, ha seizh anezho gant Bradley oc'h adkemer e roll evel Pinhead.