Jakez, eskob Jeruzalem

Jakez, lesanvet "ar Yaouankañ" a oa kar da Jezuz (mab da Gleofas ha da Vari (unan eus ar "merc'hed santel")[1]. Ne oa ket unan eus an Daouzek Abostol, ne voe ket diskibl da Jezuz e-kerzh e vuhez zoken. Dont a reas goude da vezañ penn ar "Yuzevien-kristen" ha kemer a reas ur perzh pouezus en tabut evit gouzout hag-eñ e oa ret amdroc'hañ ar baganed a zeue da vezañ kristen (Ober. 15, 13-21).

Gellout a ra "bezañ anvet abostol en ur ster ledan evel Barnaba ha reoù all"[2].

Gwelet e voe gant an hengoun katolik evel aozer Lizher Sant Jakez, an hini kentañ eus al Lizheroù katolik. Bibliourien zo a laka an deorienn-se en arvar bremañ (gwelout La Bible de Jérusalem, Cerf, embannadur 1998, p. 2080).

Labezet e vefe bet e 62 GJK war urzh ar beleg meur Ananoz hervez an istorour Flavius Josephus.

Lakaet eo bet war roll ar sent gant an iliz katolik

Notennoù ha daveennoù kemmañ

  1. Dictionnaire culturel de la Bible, Cerf/Nathan, p 124
  2. Digoradur d'al Lizheroù katolik, Troidigezh an Testamant Nevez dindan renerezh Maodez Glanndour, Al Liamm, 1971, p 532