Jean-Pierre Chevènement

Jean-Pierre Chevènement (Belfort, 9 a viz Meurzh e 1939) zo ur politiker gall, brudet e enebiezh ouzh an digreizennañ hag ouzh ar yezhoù bihan[1].

Jean-Pierre Chevènement (2014)

E vuhez kemmañ

Ganet eo bet d'an 9 a viz Meurzh 1939 e Belfort (Territoire de Belfort).
Meur a wech eo bet ministr er bloavezhioù 1980 ha 1990. Maer Belfort eo bet, kannad, senedour.
E-pad pell eo bet ezel eus ar Parti Socialiste gall. Kuitaet en doa ar strollad-se e 1993 ha savet ar Mouvement des Citoyens (MDC), da gentañ, hag ar Mouvement Républicain et Citoyen (MRC) da c'houde. War ar renk e oa bet evit bezañ dilennet da brezidant ar republik e 2002, ha dastumet en doa 5,33 % eus ar mouezhioù.

  • Ministr an Enklask hag an Deknologiezh, eus miz Mae 1981 betek miz Meurzh 1983, p'en doa roet e zilez eus e bost en ur lavaret Un ministre, ça ferme sa gueule ; si ça veut l'ouvrir, ça démissionne.
  • Ministr an Deskadurezh, eus miz Gouere 1984 betek miz Meurzh 1986.
  • Ministr an Difenn, eus miz Mae 1988 betek miz Genver 1991, p'en doa roet e zilez c'hoazh da sevel a-enep emell an arme c'hall en Irak.
  • Ministr an Diabarzh, eus miz Mezheven 1997 betek miz Eost 2000, p'en doa roet e zilez adarre da sevel a-enep politikerezh Lionel Jospin e-keñver Korsika.

XXIañ kantved kemmañ

  • E 2016 ez eus bet anv eus priz bihan feurm e ranndi e Pariz[2].
  • E 2018 e oa bet pedet da veajiñ da Gorsika gant ar prezidant Emmanuel Macron, ha kontet en doa e vefe Korsika dizalc'h etre daouarn torfedourien ar mafia[3].
  • E miz here 2022 e oa bet medalennet gant Emmanuel Macron [4]

Liammoù diavaez kemmañ

Notennoù kemmañ