Jules François Simon Suisse anvet Jules Simon, bet ganet en Oriant d'ar 27 pe d'an 28 a viz Kerzu 1814 hag aet d'an Anaon e Pariz d'an 8 a viz Even 1896, a oa ur prederour (agregad ha doktor), ur c'helenner hag ur politikour gall. Stourm a reas a-enep politikerezh Jules Ferry ha menoioù Georges Boulanger.

Jules Simon

Studiañ a reas e skolaj Gwened ha diwezhatoc'h er Skol-vistri. Mont a reas da gelenner war ar brederouriezh e Caen ha Versailles. Pedet e voe neuze gant Victor Cousin, hag a oa bet e gelenner, da eilañ anezhañ er Skol-vistri ha goude-se er Sorbonne (betek 1851 ma voe digarget).

Kannad e voe e 1848, 1849, 1863 hag addilennet e 1869. Adalek ar 4 a viz Gwengolo 1870 betek an 18 a viz Mae 1873 e voe Ministr an Deskadurezh Publik, ar C'hredennoù hag an Arzoù-Kaer. Anvet e voe da senedour e vuhez-pad d'ar 16 a viz Kerzu 1875, er memes devezh ma voe dilennet d'an Académie Française. Adalek an 12 a viz Kerzu 1876 betek ar 16 a viz Mae 1877 e voe Penn Kuzul ar Vinistred ha Ministr an Diabarzh. D'ar 16 a viz Mae 1877 e lakaas Mac-Mahon anezhañ da reiñ e zilez.

Skrivañ a reas meur a levr ha meur a brezegenn ha meur a bennad e meur a gazetenn ivez, en o zouez Le Siècle, Le Gaulois, Le Matin, Le Temps.

Enorioù ha medalennoù kemmañ

Dougañ a ra e anv: ur skolaj e Gwened, ur skol-vamm hag ur skol kentañ derez e Sant-Nazer, div skol e Bro C'hall (Lille ha Montpellier), ur straed e Roazhon ha peder straed e Bro C'hall.

Ur vedalenn en enor dezhañ a c'heller gwelet e skolaj Gwened, un delwenn war blasenn ar Guatemala e Pariz.

Arroudennoù kemmañ

  • Le peuple qui a les meilleures écoles est le premier peuple. S'il ne l'est pas aujourd'hui, il le sera demain.
  • Je suis profondément républicain et résolument conservateur.

Un nebeud oberennoù kemmañ

  • 1839: De Deo Aristotelis diatribe philosophica
  • 1839: Du commentaire de Proclus sur le Timée de Platon
  • 1840: Études sur la théodicée de Platon et d’Aristote
  • 1844: Histoire de l’école d’Alexandrie, 2 levr
  • 1846: Manuel de philosophie à l’usage des collèges
  • 1849: L’Université
  • 1853: La mort de Socrate
  • 1854: Le Devoir
  • 1856: La religion naturelle
  • 1857: La liberté de conscience
  • 1859: La Liberté, 2 levr
  • 1861: L’Ouvrière
  • 1864: L’École
  • 1864: L’instruction populaire en France, gant an aot. Carnot ha Havin
  • 1866: Le Travail
  • 1867: L’ouvrier de huit ans
  • 1868: La politique radicale
  • 1869: La Famille
  • 1869: La peine de mort
  • 1870: La liberté de penser
  • 1870: Le libre échange
  • 1873: L’instruction gratuite et obligatoire
  • 1874: La réforme de l’enseignement secondaire. Souvenirs du 4 septembre, I : Origine et * chute du Second Empire. II : Le gouvernement de la Défense nationale
  • 1878: Le gouvernement de M. Thiers, 2 levr
  • 1880: Le livre du petit citoyen
  • 1881: Trois condamnés à mort
  • 1883: Dieu, Patrie, Liberté
  • 1884: Une académie sous le Directoire
  • 1885: Thiers, Guizot, Rémusat
  • 1887: Nos hommes d’État
  • 1887: Victor Cousin
  • 1888: Opinions et discours
  • 1889: Le Journal des Débats sous la Restauration
  • 1889: Mémoires des autres
  • 1891: Colas, Colasse et Colette
  • 1891: La femme du XXe siècle, gant e vab Gustave Simon
  • 1891: Nouveaux mémoires des autres
  • 1893: Notices et portraits
  • 1896: Quatre portraits : Lamartine, le cardinal Lavigerie, Ernest Renan, l’empereur Guillaume
  • 1897: Derniers mémoires des autres, goude e varv
  • 1901: Souvenir, 2 levr, goude e varv

Pennadoù kar kemmañ

Penn Kuzul ar Vinistred (Bro-C'hall)

Liammoù diavaez kemmañ