Langemark

Langemark zo ur ranngumun eus Langemark-Poelkapelle e Kornôg-Flandrez e Belgia. E 1971 e voe strollet Langemark ha Bikschote kent bout lakaet e kumun Langemark-Poelkapelle e 1977.

Langemark

municipality section, kêriadenn

Stad	Belgia
Kêr-benn eus	Langemark-Poelkapelle
E tiriad	Langemark-Poelkapelle
Daveennoù douaroniel	50°54′48″N 2°55′5″E
Kod-post	8920

Douaroniezh

• Gorread : 31,67 km²
• Poblañs (2006) : 5 144 a dud
• Stankter : 162 den/km²

Monumantoù ha traoù heverk

• 
  An iliz katolik Sint-Paulus

Beredoù ar Brezel-bed kentañ

Bered al Lu alaman

• Studentenkerkhof

Bered ar Studierion eo anv ar mell bered alaman a zo er gumun, gant 35 060 soudard enni.

• 
  Lid e ​​monumant Langemark, 10/10/1932
• 
  Monumant er vered alaman

Beredoù ar C'hommonwealth

• Cement House Cemetery

Ur vered krouet e-kerzh ar Brezel-bed kentañ eo, met implijet e voe e-pad an Eil Brezel-bed ivez. An anv Cement House a oa bet roet d'un ti-feurm a oa bet lakaet da greñv-lec'h. Digoret e oa bet ar vered e miz Eost 1917 hag implijet eo bet betek miz Ebrel 1918 ; d'ar poent-se ne oa nemet 231 bez ag ar C'hommonwealth enni. Implijet eo bet ar vered gant al Lu gall ivez, met tennet eo bet ar bezioù gall (e-tro 500) e 1922. Bodet ez eus bet enni bezioù ar C'hommonwealth deuet eus beredoù ar c'humunioù hag an tachennoù-emgann tro-war-dro.

• 2 398 eus bezioù ar C'hommonwealth eus ar Brezel-bed kentañ zo dizanv.
• 22 vilour ag ar C'hommonwealth bet marvet e-pad an Eil Brezel-bed zo douaret er vered, pemp anezhe zo chomet dianav.

Implijet e vez c'hoazh ar vered-se evit douarañ ar relegoù a zalc'her da gavout.

Bro	Niver a soudarded
Afrika ar Su	1
Alamagn	1
Aostralia	19
Frañs	1
Kanada	58
Rouantelezh-Unanet	3 477
Zeland-Nevez	10
Hollad	3 567

• Ruisseau Farm Cemetery

Anv ar vered a zeu eus hini un atant bet tapet gant ar Guards Division d'an 8 a viz Here 1917. Implijet e voe e voe betek miz Du 1917, gant ar Ganolierezh pergen.

Bro	Niver a soudarded
Rouantelezh-Unanet	82
Hollad	82

• St. Julien Dressing Station Cemetery

Digoret e oa bet ar vered e miz Gwengolo 1917 hag implijet eo bet betek miz Meurzh 1918. Bodet eo bet enni bezioù arall deuet eus an tachennoù-emgann.

Bro	Niver a soudarded
Afrika ar Su	5
Aostralia	10
Kanada	15
Rouantelezh-Unanet	395
Zeland-Nevez	3
428

• Dochy Farm New Cemetery

Krouet e voe goude arsav-brezel an 11 a viz Du 1918 evit bodañ korfoù ar vilourion bet lazhet en emgannoù e Boezinge, Sint-Juliaan (Langemark), Frezenberg ha Passendale.

Bro	Niver a vilourion
Afrika ar Su	17
Aostralia	304
Douar-Nevez	1
Kanada	58
Rouantelezh-Unanet	524
Zeland-Nevez	98
Dianav (Commonwealth)	412
Hollad	1 439

• Seaforth Cemetery, Cheddar Villa

An anv Cheddar a oa bet roet gant ar vilourion tost ag an dachenn-emgann d'an atant a oa e-kichen. Start e voe an emgannoù er c'hornad. Tost d'an dachenn-emgann e voe douaret ar re varv. Kanoliataet ha bombezet garv e voe ar vered, pezh a reas distrujoù enni. 101 ag ar 148 bez a zo eus ar 2nd Seaforth Highlanders (Skosiz) : diwar goulenn an ofisour e penn ar Batalion e voe roet an anv Seaforth d'ar vered e 1922.

Bro	Niver a soudarded
Kanada	1
Rouantelezh-Unanet	147
Hollad	148

• Bridge House Cemetery

Anvet eo diwar an ti-feurm a oa en he c'hichen. Krouet e voe gant an 59th (North Midland) Division e dibenn miz Gwengolo 1917. Diwar ar 45 soudard douaret enni, 44 a voe lazhet e-doug Emgann Polygone Wood (26-29 a viz Gwengolo 1917), pevar o vezañ chomet dianav.

Bro	Niver a soudarded
Rouantelezh-Unanet	45
Hollad	45