María Isabel Spagn

• Meur a vaouez zo bet anvet María Isabel.

María Isabel Spagn (1789 -1848), pe María Isabel de Borbón pe Maria Isabella en italianeg, a oa un infantez spagnol, deuet da vout rouanez an Div Sikilia.

An Infantez María Isabel Spagn (1789 -1848), Rouanez an Div Sikilia.

He buhez

Merc'h e oa da Carlos IV, roue Spagn, ha d'e bried María Luisa de Parma. Brudet e oa da vezañ merc'h da Manuel Godoy, serc'heg he mamm.

Dimeziñ

E miz Here 1802, pa oa 13 vloaz, e voe dimezet da Francesco Iañ an Div Sikilia, ur gwaz a 25 bloaz, nevez intañvet goude marv e bried Maria Klementine von Österreich (1777–1801) , ha tad d'ur verc'hig anvet Marie-Caroline de Bourbon-Siciles, hag a vo dugez Berry.

He bugale

Francesco ha Maria Isabel o doe daouzek bugel a zimezas da gement tiegezh roueel a oa en Europa an XIXvet kantved

• Luisa Carlotta: (1804-1844), a zimezas en 1819 d'hec'h eontr, breur d'he mamm, an infant spagnol Francisco de Paula Spagn;
  • o mab henañ, Francisco de Asís de Borbón a zimezas da Isabel II , rouanez Spagn;
• Maria Cristina: (1806-1878),
  • a zeuas da vout pedervet gwreg hec'h eontr Fernando VII, Roue Spagn, ha breur henañ he mamm, chomet divugel;
    • ur verc'h o doe, Isabel II, rouanez Spagn; Maria Cristina a voe rejantez e-pad yaouankiz he merc'h, eus 1833 da 1840;
  • addimeziñ a reas en 1833 da Agustín Fernando Muñoz y Sánchez, dug Rianzares (marvet en 1875), hag eizh bugel o doe;

• Ferdinando: (1810-1859), dug ar Puglie, dug Calabria adal 1825, roue war-lerc'h e dad Ferdinando II e 1830; dimezet div wech:
  • en 1832 da Maria Cristina Savoia‎ (1812-1836)
  • en 1837 da Maria Theresia von Österreich (1816–1867) ;

• Carlo Ferdinando priñs Capua (1811-1862),
  • a reas un dimeziñ morganatek e 1836 gant Penelope Smith (1815-1882), a voe anvet da zugez Marescata; bugale o doe;

• Leopoldo, kont Siracusa: (1813-1860),
  • a zimezas e 1837 d'ar briñsez Filiberta di Savoia Carignano (1814-1874), hag ur verc'h dezhe, Isabella, marvet en he c'havell (1838);
  • ur verc'h all en dije bet, bastardez, Teresa, markizez Vulcano (1840-1920);

• Maria Antonietta: (1814-1898),
  • dimezet d'he c'henderv Dug-meur Toskana Leopoldo II Toskana (1797-1870);

• Antonio Pasquale, Kont Lecce: (1816-1843), marvet divugel;

• Maria Amalia (1818-1857),
  • dimezet e 1832 da Sebastião Gabriel de Bourbon e Bragança, (1811-1872) Infant Spagn hag Infant Portugal ;

• Maria Carolina (1820-1861),
  • dimezet e 1850 da Carlo Luigi di Borbone-Spagna, kont Montemolin (1818-1861), danvez-roue eus skourr ar garlisted;

• Teresa Cristina: (1822-1889), a zimezas e 1843 da Pedro II Brazil, impalaer Brazil;

• Luigi, kont Aquila: (1824-1897),
  • dimezet e 1844 da Januária Maria de Bragança (1822-1901), merc'h da Pedro Iañ Brazil, impalaer Brazil, ha c'hoar da Maria II, Rouanez Portugal, ha da Pedro II Brazil.

• Francesco di Paola, kont Trapani: (1827-1892),
  • a zimezas e 1850 da Maria Isabella d'Asburgo-Toscana (1834-1901), merc'h d'e c'hoar Maria Antonietta. Tri bugel o doe:
    • Leopoldo, marvet da 17 vloaz;
    • Ferdinando, marvet en e gavell.
    • Maria Antonietta, dimezet d'he c'henderv Alfonso di Borbone-Due Sicilie, kont Caserta, mab d'ar roue Ferdinando II

Goude marv he fried, d'an 8 a viz Du 1830, María Isabel a chomas intañvez e-pad nav bloaz. Addimeziñ a reas d'ar 15 a viz Genver 1839 da Francesco del Balzo; bugel ebet n'o doe.

Beziet e voe e penniliz Santa Chiara Naplez, ma emañ bezioù rouaned Sikilia.