An Oded a zo ur stêr a ziskenn eus ar Menez Du er gwalarn da Roudoualleg (Kerne - Mor-Bihan) betek ar Mor Atlantel etre Benoded ha Kombrid. Emañ e andon e kumun Sant-Wazeg, e Yeun ar Vouster. Dont a ra Benoded eus Ben + Oded : ur ger kozh eo ben evit diwezh ur stêr, ar genoù anezhi.
Treuziñ a ra Kemper, kêr-benn Bro-Gerne ha pennlec'h Departamant Penn-ar-Bed.
Evel meur a stêr e Breizh eo froudel e renad ken e tegas dourioù-beuz e-pad an diskaramzer hag ar goañv dre n'hell ket an dour-glav silañ don er c'harregadoù dizintrus a gaver e pep lec'h. Grevusoc'h eo ar gudenn gant ar c'hêriekaat pa zeu an douaroù da vezañ dizintrusoc'h-dizintrusañ hag ouzhpenn-se, er bloavezhioù 1960-70 eo bet diskaret ar c'hleuzioù a vire ouzh an dour da redek d'an dourredennoù diouzhtu.
E miz Kerzu 2000 eo bet beuzet darn eus kreiz-kêr Kemper pa ziruilhe an Oded 100 m³/sec.
A-raok skeiñ war-du Kemper e treuz an Oded ur ganienn strizh ha roc'hellek anvet ar Stangalar (Stank Alar, marteze) ha priziet mat gant ar valeerien.
Ez-ofisiel e krog an Oded morel adalek ar palez-justis hag e tiskenn d'ar mor war 18 km, met al lanv a ya betek ar porzh-houarn, 2 km uheloc'h.
Ur porzh-kenwerzh anvet Kornigell a zo bet staliet e penn an aber: ouzh ur c'hae, 500 m a hirded, e vez ereet listri-karg bihan ha listri-sabl.
En e benn, e Kemper, aber an Oded, 20 km he hirded, goude ur ganol-vor strizh, a ya d'ober ul vorlennig anvet Bae Kerogan, met strishoc'h-strishañ e teu da vezañ pa ziskenn, etre Ploveilh ha Pluguen, en ur ganienn goadek hag a zo ul lec'h touristel a c'heller gweladenniñ gant listri-treizh.
Kavet e veze gwechall anv ar stêr en anv gallek kumun Brieg (Briec-de-l'Odet) hag e-pad an Dispac'h gall, Montagne-sur-Odet e oa an anv nevez roet da Gemper evit abegoù politikel.

Oded
An Oded pa sav al lanv
Statud stêr
Hirder 56 km
Uhelder an eienenn ? m
Kas keitat ? m³/s
Gorread an diazad ? km²
Bro(ioù) douret Breizh
Diazad stêrioù
?
En em daol e Benoded Meurvor Atlantel
Ledander er genoù ?
Andon Sant-Wazeg
Adstêrioù Stêr Deir, Froud, Jed

Adstêrioù kemmañ

Lez dehou kemmañ

  • Ar Gib
  • Gwazh Langelin
  • Ar Froud
  • Ar Stêr Deir
  • Gwazh Keriner
  • Gwazh ar Pont-Nevez
  • Ar C'horroac'h

Lez kleiz kemmañ

  • Gwazh Pont-Roudoù
  • An Dour-Kerdreored
  • Ar Jed
  • Gwazh kanol Toulwenn
  • Gwazh Sant-Kadoù

Red-dour kemmañ

Fonnder krenn miziek (m3/eilenn)
Savlec'h hidrologel : J4231911- Kemper (Kervir)
(Roadennoù dastumet diwar 45 bloaziad (1969-2013))

 
Commons
Muioc'h a restroù diwar-benn

a vo kavet e Wikimedia Commons.