An Ortodoksiezh yuzev (pe c'hoazh Yuzevegezh reizhkredour) zo ul lavarenn hollek evit ober anv eus luskadoù hengounel hag a glask chom eus tu an hengoun er Yuzevegezh a-vremañ. Hervezo e oa bet diskuliet an Torah, dre skrid ha dre gomz, da Voizez gant Doue e Menez Sinai ha n'eus ket bet kemm abaoe.

Ur yuzev ortodoks

Ret eo hervezo doujañ strizh d'an halakha neuze ha disklêriañ anezhi dre hentennoù hengounel, o tegemer labour ar re fur evel m'emañ. N'eo ket ul luskad kreizennet avat ha meur a zoare a zo da vezañ reizhkredour. Gallout a reer rannañ an ortodoksiezh etre an hini haredi, mirouroc'h ha serr ouzh ar gevredigezh, hag an hini vodern, degemerusoc'h ouzh ar bed tro-dro.