Roz-ki

Ar roz-ki, pe agroaz, pe roz-gouez, pe rosa canina e latin, a vez kavet er girzhier, etre plant dreinek evel an drez hag ar spern-du. Mont a ra o bleuñv roz da frouezh ruz, stumm vioù hir pe hiroc’h dezhe, vitaminoù C a-leizh enne. Graet e vez roz-agroaz pe roz-ki deus o bleuñv. Dour diwar delioù agroaz zo ur gargouilh mat evit ar boan-dent, ar c’hig-dent taniget hag ar boan-c’hoûg. Implijet e vez ar bleunioù evit soagnañ ar goulioù : lakat 12 gwenneg petalennoù sec’h e glec’h e-pad 10 devezh e-barzh un hanter-litrad lambig (ur gwenneg a dalvez ur gramm mui pe vui). Trempañ un tamm lien e-barzh ha lakat anezhañ neuze war ar gouli. Rankañ a raer chañch lien meur a wech an dez. Gant ar frouezh e c’haller prientiñ ur remed enep ar sklis : flastrit anezhe, dastumit ar chug ha mesket gant kemend-all a sukr (peotramant mel). Tommit ul lajadig (hep lakaat war an tan bras avat) ha lakit en ur voutailh stouvet mat. Teir loaiad teir gwech an dez, ken ma wellaer. M’ho pez poan o tiazezañ ho poued, debrit koñfitur graet gant frouezh agroaz.

Roz-ki, pe roz-gouez, pe agroaz

Roz-ki all

Roz-ki a vez graet eus roz-aer gant Jules Gros.