Harpañ a ra ar gevredigezh Terre des Femmes a-enep ar feulster graet d'ar maouezed. E miz Kerzu 2006, e-pad un emvod a-enep ar feulster graet d'ar maouezed savet gant ar gazetenn durkek Hürriyet e Berlin, e voe graet tabut outi. Diskleriet he devoa: "Komprenet em eus va-unan, ar feulster korf ha spered zo gwelet evel reizh er familhoù muzulman. Trist eo, ar feulster zo liammet ouzh sevenadur an Islam". Kannad meur Turkia a oa aet e-maez ar sal raktal p'he doa embannet he soñjoù. Kunujennet e vez Sibel Kekilli alies er rouedadoù sokial war an tem-se[1].