Staotlec'h
Ur staotlec'h zo ul lec'h, pe ur sal, da staotat. .
Paotred kemmañ
Peurvuiañ koulskoude e vez ul lec'h ma ne c'hall nemet ar baotred staotat en o sav, ha pa gomzer eus merc'hed e lavarer ez eont d'ar privezioù, pe d'ar gador-doull rak gwir staotlec'hioù evite n'eus ket.
Daou seurt staotlec'hioù zo evit ar baotred: ar re ma c'hallont glebiañ o botoù, hag ar re uhel ma'z eo kalz diaesoc'h.
Istor kemmañ
Gwechall e staote ar baotred n'eus forzh pelec'h. Ma oa mat war ar maez n'halle ket bezañ e kêr, abalamour d'ar c'hwezh, dreist-holl dirak an ostalerioù. Se zo kaoz e veze kavet staotlec'hioù er c'hêrioù.
Naetaat kemmañ
Naetaat ar staotlec'h a zo ret, ha meur a sistem zo bet ijinet.
Dour kemmañ
Ar si gant ar sistemoù teurel-dour eo pegement a zour a vez kollet.
Kombodoù kemmañ
Kombodoù a vez alies er staotlec'hioù, da virout ouzh ar staoterien da sellout an eil ouzh egile a-greiz ober, un tabou eo er bed kornôk, pe da geñveriañ o organoù, hir pe verr, trodroc'het pe nann, pe da ziwall diouzh emzalc'hioù paotretaerien zo a zeu di da glask fred.
Arz kemmañ
Brudet eo Fontaine, oberenn arzel Marcel Duchamp.