Taol treitouriezh an hirgontilli

Taol treitouriezh an hirgontilli (pe Brad y Cyllyll Hirion e kembraeg) zo un darvoud mojennel a c'hoarvezas en Enez Vreizh er Vvet kantved pa voe lazhet tierned ar Vrezhoned gant ar Saksoned, hervez a zo kontet en Historia Brittonum, gant Nennius .

Hervez ar vojenn e oa deuet Vortigern da vout penntiern ar vrezhoned goude aet kuit an armeoù roman eus Enez vreizh. Aotreet en devoa ar Saksoned Hengist ha Horsa da deurel o zroad en Enez Thanet.