Vinstrihreyfingin - grænt framboð
Strollad glas an tu kleiz (islandeg :Vinstrihreyfingin - grænt framboð) a zo ur strollad politikel islandat bet krouet e 1999 gant un nebeud dilenndi en Alþingi a savas a-enep kendeuziñ strolladoù an tu kleiz islandat e Samfylkingin. Diazezet eo programm ar strollad war ar sokialouriezh demokratel, ar wregelouriezh ha difenn an endro. Stourm a ra ivez evit ma kemerfe perzh ar geodedourien e merañ o bro war-eeun. Sevel a ra a-enep emezeliñ Island e NATO, a-enep ma'z afe Island en UE, hag a-enep aloubadeg Iraq hag Afghanistan gant arme SUA. Sevel a ra ivez a-du gant stourm ar Balestiniz. Ezel eo eus Unvaniezh c'hlas ha kleiz an Norzh.
E-tro 3 000 ezel a zo ennañ. Steingrímur J. Sigfússon eo a zo prezidant ar strollad, Katrín Jakobsdóttir a zo bezprezidantez, ha Drífa Snædal a zo sekretourez.
Da-geñver dilennadeg ar parlamant e 1999 e tapas kaout 9,1% eus ar mouezhioù, da lavaret eo 6 dileuriad en Alþingi. 5 dileuriad a dapas e dilennadeg 2003 (8,8%) hag e 2007 e tapas kaout 9 dileuriad (14,3% eus ar mouezhioù).
E 2009 e kemeras perzh er gouarnamant kenunaniezh gant Samfylkingin. En dilennadeg da-heul e kreskas e niver a gannaded (9 da 14) ha e teuas da vezañ trede strollad politikel brasañ Island (21,7% eus ar mouezhioù).
En dilennadegoù kemmañ
| Dilennadeg | Niver a vouezhioù | Dregantad | Dileuridi | Disoc'h an dilennadeg |
|---|---|---|---|---|
| Dilennadeg parlamant Island 1999 | 15 115 | 9,1% | 6 | Trec'h Strollad ar frankiz |
| Dilennadeg parlamant Island 2003 | 16 129 | 8,8% | 5 | Trec'h Strollad ar frankiz |
| Dilennadeg parlamant Island 2007 | 26 136 | 14,3% | 9 | Trec'h Strollad ar frankiz |
| Dilennadeg parlamant Island 2009 | 40 580 | 21,7% | 14 | Trec'h an Emglev sokial-demokrat |
Kannaded ha ministred kemmañ
| Anv | Abaoe | Titl | Pastell-vro | |
|---|---|---|---|---|
| Steingrímur J. Sigfússon | 
|
an 23 a viz Ebrel 1983 | Prezidant ha ministr an argant, al labour-douar hag ar peskerezh | pastell-vro biz |
| Katrín Jakobsdóttir | an 12 a viz Mae 2007 | kenbrezidantez ha ministrez an deskadurezh | pastell-vro Reykjavíkurkjördæmi norður | |
| Ögmundur Jónasson | an 8 a viz Ebrel 1995 | ministr ar yec'hed | pastell-vro gevred | |
| Kolbrún Halldórsdóttir | 
|
an 8 a viz Mae1999 | ministr an endro | pastell-vro Reykjavíkurkjördæmi suður |
| Jón Bjarnason | 
|
an 8 a viz Mae 1999 | kannad | pastell-vro gwalarn |
| Álfheiður Ingadóttir | 
|
an 12 a viz Mae 2007 | kannad | pastell-vro Reykjavíkurkjördæmi suður |
| Árni Þór Sigurðsson | 
|
an 12 a viz Mae 2007 | kannad | pastell-vro Reykjavíkurkjördæmi norður |
| Atli Gíslason | 
|
an 12 a viz Mae 2007 | kannad | pastell-vro su |
| Þuríður Backman | 
|
an 8 a viz Mae 1999 | kannad | pastell-vro biz |
Notennoù kemmañ
Liammoù diavaez kemmañ
- [1] Lec'hienn ofisiel
- Pajenn ar Strollad e lec'hienn Unvaniezh c'hlas ha kleiz an Norzh